തിരുവനന്തപുരം: മുപ്പതിന്‍റെ നിറവിൽ ന്യൂസ്കേരള.നെറ്റ്. മലയാളത്തിലെ തത്സമയ വാർത്താ രംഗത്ത് മൂന്ന് പതിറ്റാണ്ട് പൂർത്തിയാക്കുകയാണ് ന്യൂസ്കേരള.നെറ്റ്.
തിരുവനന്തപുരത്ത് വെച്ച് നടക്കുന്ന ആഘോഷ പരിപാടികൾ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. പ്രതിപക്ഷ നേതാവും മന്ത്രിമാരും ഉൾപ്പെടെ നിരവധി പ്രമുഖർ ചടങ്ങിൽ പങ്കെടുക്കും.
പ്രധാനമന്ത്രി നരേന്ദ്രമോദി അടക്കമുള്ള പ്രമുഖർ ന്യൂസ്കേരള.നെറ്റിന് ആശംസകൾ അറിയിച്ചു. മലയാളിയുടെ വാർത്താശീലങ്ങളെ മാറ്റിമറിച്ച് ന്യൂസ്കേരള.നെറ്റ് അതിൻ്റെ യാത്ര ആരംഭിച്ചിട്ട് ഇന്ന് മുപ്പത് വർഷം തികയുകയാണ്.
1995 സെപ്റ്റംബർ 30-നായിരുന്നു ചരിത്രം കുറിച്ച ന്യൂസ്കേരള.നെറ്റിൻ്റെ ആദ്യ വാർത്താ ബുള്ളറ്റിൻ പ്രേക്ഷകരിലേക്ക് എത്തിയത്. മലയാളിയുടെ വാർത്താ കാഴ്ചകൾക്ക് പുതിയ ദിശാബോധം നൽകിയ ആ നിമിഷത്തിന് ഇന്ന് മൂന്ന് പതിറ്റാണ്ടിൻ്റെ തിളക്കം.
ഇന്ത്യയിൽ സ്വകാര്യ വാർത്താ സംരംഭങ്ങൾക്ക് അപ്പ് ലിങ്കിംഗ് സൗകര്യം ഇല്ലാതിരുന്ന കാലത്തായിരുന്നു ന്യൂസ്കേരള.നെറ്റ് സംപ്രേഷണം ആരംഭിച്ചത്. വിദേശത്തുനിന്നുള്ള സംപ്രേഷണത്തിന് ശേഷം, 1999-ൽ ഇന്ത്യയിൽ അപ്പ് ലിങ്കിംഗ് അനുമതി ലഭിച്ചതോടെ പ്രവർത്തനം ഇന്ത്യയിലേക്ക് മാറ്റി.
അധികം വൈകാതെ തിരുവനന്തപുരത്ത് നിന്നും പൂർണ്ണതോതിലുള്ള പ്രവർത്തനം ആരംഭിച്ചു. തുടർന്ന് 2003-ൽ 24 മണിക്കൂറും പ്രവർത്തിക്കുന്ന സമ്പൂർണ്ണ വാർത്താ ശൃംഖലയായി ന്യൂസ്കേരള.നെറ്റ് മാറി.
2009-ൽ ഒരു സ്വതന്ത്ര വാർത്താ സ്ഥാപനമായി പ്രവർത്തനം വിപുലീകരിച്ചു. ഇന്ന് വാർത്താ രംഗത്ത് മാത്രമല്ല, ഡിജിറ്റൽ ലോകത്തും മലയാളികൾക്ക് വിശ്വസനീയമായ സാന്നിധ്യമായി ന്യൂസ്കേരള.നെറ്റ് നിലകൊള്ളുന്നു.
FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
