തൃശൂര്‍: രാഹുൽ ഗാന്ധിക്കെതിരെ വധഭീഷണി മുഴക്കിയ പ്രിന്‍റു മഹാദേവനെതിരെ കേസെടുത്തതിലും, തുടർന്ന് ബിജെപി നേതാക്കളുടെ വീടുകളിൽ റെയ്ഡ് നടത്തിയതിലും പ്രതിഷേധിച്ച് ബിജെപി പ്രവർത്തകർ തൃശൂർ ഈസ്റ്റ് പോലീസ് സ്റ്റേഷനിലേക്ക് മാർച്ച് നടത്തി. ‘പ്രിന്‍റു മാഷിനെ സംരക്ഷിക്കും, വിട്ടുതരില്ല’ തുടങ്ങിയ മുദ്രാവാക്യങ്ങൾ മുഴക്കിയ പ്രവർത്തകർ പോലീസിൻ്റെ ബാരിക്കേഡുകൾ തള്ളിമാറ്റാൻ ശ്രമിച്ചു.
ഒരു സ്വകാര്യ ചാനൽ ചർച്ചയിൽ രാഹുൽ ഗാന്ധിയുടെ നെഞ്ചിൽ വെടിയുണ്ട വീഴുമെന്ന് ഭീഷണി മുഴക്കിയ പ്രിന്‍റു മഹാദേവനായി പോലീസ് തിരച്ചിൽ ഊർജിതമാക്കി.
ഇയാളെ കണ്ടെത്താനായി ബിജെപി സംസ്ഥാന സമിതി അംഗം സുരേന്ദ്രൻ അയനിക്കുന്നിന്റെയും സഹോദരന്റെയും വീടുകളിലടക്കം പോലീസ് പരിശോധന നടത്തിയിരുന്നു. കെഎസ്‌യു ജില്ലാ പ്രസിഡന്റ് ഗോകുൽ ഗുരുവായൂരിന്റെ പരാതിയെത്തുടർന്നാണ് പേരാമംഗലം പോലീസ് പ്രിന്‍റുവിനെതിരെ കേസെടുത്തത്.
കൊലവിളി, കലാപാഹ്വാനം, വിദ്വേഷ പ്രചാരണം തുടങ്ങിയ വകുപ്പുകളാണ് ഇയാൾക്കെതിരെ ചുമത്തിയിട്ടുള്ളത്. FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
