സൂര്യ നായകനാവുന്ന അടുത്ത ചിത്രം സംവിധാനം ചെയ്യുന്നത് ആര്‍ ജെ ബാലാജിയാണ്. സൂര്യയുടെ കരിയറിലെ 45-ാം ചിത്രമാണ് ഇത്. ഇനിയും പേരിട്ടിട്ടില്ല. ചിത്രത്തിന്റെ പൂജ ചടങ്ങുകള്‍ ആനമലയിലെ അരുൾമിഗു മാസാനി അമ്മൻ ക്ഷേത്രത്തിൽ ഇന്നലെ നടന്നു. ഡ്രീം ബിഗ് പിക്ചേഴ്സ് ആണ് ചിത്രത്തിന്റെ നിർമ്മാണം.
അരുവി, തീരൻ അധികാരം ഒണ്‍ട്ര്, കൈതി, സുൽത്താൻ, ഒകെ ഒരു ജീവിതം തുടങ്ങിയ ബ്ലോക്ക്ബസ്റ്റര്‍ ചിത്രങ്ങളുടെ നിർമ്മാതാക്കളാണ് ഡ്രീം വാരിയർ പിക്ചേഴ്സ്. ബിഗ് ബജറ്റിലാണ് ചിത്രം ഒരുങ്ങുന്നത്. ആക്ഷന്‍ എന്‍റര്‍ടെയ്‍നര്‍ എന്നതിലുപരി ഹാസ്യത്തിന് പ്രാധാന്യം നല്‍കുന്ന ചിത്രവുമായിരിക്കും ഇത്. പ്രതിഭാധനന്മാരായ അഭിനേതാക്കളുടെയും സാങ്കേതിക വിദഗ്ധരുടെയും കൂട്ടായ്‍മയിലാണ് ആര്‍ ജെ ബാലാജി സൂര്യ 45 ഒരുക്കുക. ഇതിന്റെ വിശദാംശങ്ങൾ ഉടൻ പ്രഖ്യാപിക്കും.
പൂജയ്ക്ക് ശേഷം ആർ ജെ ബാലാജി ചിത്രത്തിന്റെ കോയമ്പത്തൂരിലെ ആദ്യ ഷെഡ്യൂളിലേക്ക് നീങ്ങും. അവിടെ അദ്ദേഹം സൂര്യയും മറ്റ് പ്രധാന അഭിനേതാക്കളും അവതരിപ്പിക്കുന്ന സുപ്രധാന രംഗങ്ങൾ ചിത്രീകരിക്കും. നിർമ്മാതാക്കളായ എസ് ആർ പ്രകാശ് ബാബുവും എസ് ആർ പ്രഭുവും ചേർന്ന് ചിത്രം 2025 രണ്ടാം പകുതിയിൽ സൂര്യ 45 റിലീസ് ചെയ്യാനാണ് പദ്ധതിയിടുന്നത്. പി ആർ ഒ ആൻഡ് മാർക്കറ്റിംഗ് കൺസൾട്ടന്റ് പ്രതീഷ് ശേഖർ.
ALSO READ : വിജയകരമായ നാലാം വാരത്തിലേക്ക് ‘മുറ’; 11 ലക്ഷത്തിലധികം കാഴ്ചകളുമായി സക്സസ് ടീസര്‍
ഏഷ്യാനെറ്റ് ന്യൂസ് ലൈവ് കാണാം
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
