സഹോദരിയെ വിവാഹം കഴിച്ചതുമായി ബന്ധപ്പെട്ട തർക്കം; യുവാവിനെ പോയിന്റ് ബ്ലാങ്കിൽ വെടിവച്ചു, നില ഗുരുതരം

താനെ∙ ഉല്ലാസ്നഗറിൽ യുവാവിന് വെടിയേറ്റു. സായിനാഥ് നഗറിലെ ഒരു ശുചിമുറിക്ക് സമീപം ഇരിക്കവേയാണ് യുവാവിന് നെഞ്ചിന് വെടിയേറ്റത്.

ബുധൻ രാത്രിയാണു സംഭവം. പോയിന്റ് ബ്ലാങ്കിൽനിന്നാണ് പ്രതി യുവാവിനെ വെടിവച്ചത്.

സംഭവത്തിൽ ഒന്നിലധികം പേർ ഉൾപ്പെട്ടതായാണു വിവരം. 
‘‘നെഞ്ചിൽ വെടിയേറ്റ യുവാവിന്റെ നില ഗുരുതരമായി തുടരുകയാണ്. പ്രതികളിലൊരാളുടെ സഹോദരിയെ യുവാവ് വിവാഹം കഴിച്ചതുമായി ബന്ധപ്പെട്ടു നിലനിന്നിരുന്ന മുൻവൈരാഗ്യമാണ് വെടിവപ്പിൽ കലാശിച്ചത്’’ –  ഹിൽ ലൈൻ സ്റ്റേഷൻ ഉദ്യോഗസ്ഥർ പറഞ്ഞു.

കുറ്റകൃത്യത്തിൽ ഉൾപ്പെട്ടവരിൽ തിരിച്ചറിഞ്ഞ നാല് പേർക്കെതിരെയും തിരിച്ചറിയാത്ത ചിലർക്കുമെതിരെ കേസെടുത്തതായും ഉദ്യോഗസ്ഥർ പറഞ്ഞു.

…