എറണാകുളം: മലപ്പുറം ജില്ലാ സഹകരണ ബാങ്കിനെ കേരളാ ബാങ്കിൽ ലയിപ്പിച്ച നടപടി ഹൈക്കോടതി ഡിവിഷൻ ബെഞ്ച് ശരിവെച്ചു. ബാങ്കുകൾ തമ്മിലുളള ലയനം ശരിവെച്ച സിംഗിൾ ബെഞ്ച് ഉത്തരവ് റദ്ദാക്കണമെന്ന ആവശ്യവും തളളി. മലപ്പുറം ജില്ലാ സഹകരണ ബാങ്ക് ചെയർമാനായിരുന്ന യു എ ലത്തീഫ് എം എൽ എ അടക്കമുളളവർ നൽകിയ ഹർജിയാണ് ഹൈക്കോടതി പരിഗണിച്ചത്. ലയനത്തിനെതിരെ റിസവർവ് ബാങ്കിന്‍റെ എതിർപ്പ് കൂടി തളളിയാണ് നടപടി. ലയനം സമയം അംഗീകാരം നൽകിയശേഷം പിന്നീട് എതിർക്കുന്ന ആർ ബി ഐ നടപടി അംഗീകരിക്കാനാകില്ലെന്നും കോടതി വ്യക്തമാക്കി. സംസ്ഥാനത്തെ ജില്ലാ സഹകരണ ബാങ്കുകൾ കേരളാ ബാങ്കിൽ ലയിപ്പിച്ചപ്പോൾ മലപ്പുറം ജില്ലാ ബാങ്ക് മാത്രം ഇതിനെതിരെ പ്രമേയം പാസാക്കിയിരുന്നു. തുടർന്ന് ഓ‍ർഡിനൻസ് കൊണ്ടുവന്നതാണ് സർക്കാർ മലപ്പുറം ബാങ്കിനെ കേരളാ ബാങ്കിന്‍റെ ഭാഗമാക്കിയത്.
Last Updated Feb 29, 2024, 12:53 PM IST
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
