ഇ-കൊമേഴ്‌സ് വെബ്‌സൈറ്റായ ആമസോണിന്റെ ഫിൻടെക് വിഭാഗമായ ആമസോൺ പേയ്‌ക്ക് പേയ്‌മെൻറ് അഗ്രഗേറ്ററായി പ്രവർത്തിക്കാൻ റിസർവ് ബാങ്ക് അംഗീകാരം നൽകി. പേയ്‌മെന്റ് അഗ്രഗേറ്ററുകൾ ഉപഭോക്താക്കളിൽ നിന്ന് പേയ്‌മെന്റുകൾ സ്വീകരിക്കുകയും ഒരു നിശ്ചിത കാലയളവിനുശേഷം വ്യാപാരികൾക്ക് കൈമാറുകയും ചെയ്യുന്നു. ഏതെങ്കിലും ഇ-കൊമേഴ്‌സ് സൈറ്റിൽ നിന്ന് പ്രീപെയ്ഡ് അല്ലെങ്കിൽ പോസ്റ്റ്‌പെയ്ഡ് പേയ്‌മെൻറ് നടത്തി എന്തെങ്കിലും സാധനങ്ങൾ വാങ്ങുകയാണെങ്കിൽ, ആ പേയ്‌മെന്റ് ബന്ധപ്പെട്ട പേയ്‌മെന്റ് അഗ്രഗേറ്ററിലേക്ക് പോകുന്നു. നിശ്ചിത സമയപരിധിക്കുള്ളിൽ അയാൾ അത് ബിസിനസുകാരന് കൈമാറുന്നു. ഇത്തരത്തിൽ ഈ കമ്പനികൾ വ്യാപാരിക്കും ഉപഭോക്താവിനും ഇടയിൽ ഇടനിലക്കാരായി പ്രവർത്തിക്കുന്നു. ഒന്നിലധികം വ്യാപാരികളുടെ പേരിൽ പേയ്‌മെന്റുകൾ സ്വീകരിക്കാനും അവയെ ഏകീകരിക്കാനും ഫണ്ടുകൾ ബന്ധപ്പെട്ട വ്യാപാരികൾക്ക് വിതരണം ചെയ്യാനും ഇത് അഗ്രഗേറ്ററെ പ്രാപ്‌തമാക്കുന്നു .
നേരത്തെ, പേയ്‌മെൻറ് ആപ്പ് ലൈസൻസും ആമസോണിന് ലഭിച്ചിരുന്നു. ഈ വർഷം 10 കമ്പനികൾക്ക് പേയ്‌മെൻറ് അഗ്രഗേറ്റർ ലൈസൻസ് അനുവദിച്ചിട്ടുണ്ട്. സൊമാറ്റോ, ജുസ്പേ, ഡിസെൻട്രോ, എം-സ്വൈപ്പ്, സോഹോ, സ്ട്രൈപ്പ് തുടങ്ങിയ ഇതിൽ ഉൾപ്പെടുന്നു. ആമസോൺ പേയ്‌ക്ക് നിലവിൽ പ്രീപെയ്ഡ് പേയ്‌മെന്റ് ഇൻസ്ട്രുമെന്റ്സ് ലൈസൻസ് ഉണ്ട്.ആമസോൺ തങ്ങളുടെ വാലറ്റ് സേവനങ്ങൾ നൽകുന്നത് ഈ ലൈസൻസ് ഉപയോഗിച്ചാണ്.
റിസർവ് ബാങ്കിന്റെ അനുമതി തങ്ങളുടെ വിതരണ ചാനലുകളെ കൂടുതൽ ശക്തിപ്പെടുത്താനും ഇന്ത്യയിലുടനീളമുള്ള തങ്ങളുടെ വ്യാപാരികൾക്കും ഉപഭോക്താക്കൾക്കും സുരക്ഷിതവും സൗകര്യപ്രദവും ആയ ഡിജിറ്റൽ പേയ്‌മെന്റ് സൌകര്യം നൽകുമെന്നും ആമസോൺ വ്യക്തമാക്കി.
Last Updated Feb 28, 2024, 5:28 PM IST
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
