ഒരാഴ്ച മുമ്പ് നാട്ടിലെത്തിയ ജിദ്ദ പ്രവാസി നിര്യാതനായി

മലപ്പുറം- ഒരാഴ്ച മുമ്പ് ജിദ്ദയില്‍നിന്ന് നാട്ടിലെത്തിയ പ്രവാസി ഹൃദായഘാതത്തെ തുടര്‍ന്ന് നിര്യാതനായി.

വേങ്ങര കൂരിയാട് സ്വദേശി മേലേവീട്ടിൽ അബ്ദുന്നാസര്‍ (55)  ആണ് മരിച്ചത്. ജിദ്ദ റുവൈസില്‍ താമസിച്ചിരുന്ന ഇദ്ദേഹം തനിമയുടെയും പ്രവാസി വെൽഫെയറിൻ്റേയും സജീവ പ്രവര്‍ത്തകനാണ്. രാവിലെ 9 മണി മുതൽ വെൽഫെയർ പാർട്ടി പ്രക്ഷോഭ യാത്രയിൽ പങ്കെടുത്തിരുന്നു. ഉച്ചയോടെ വീട്ടിലെത്തിയപ്പോഴാണ് നെഞ്ച് വേദന അനുഭവപ്പെട്ടത്. തുടർന്ന് സഹോദരൻ ബഷീറിനോടൊപ്പം കോട്ടക്കൽ ആശുപത്രിയിലേക്ക് പോകും വഴിയാണ് മരണം. 

മകൻ അനസ് ജിദ്ദയിലുണ്ട്. ഭാര്യ: റഫീഖ. മക്കൾ നൂഹ, സജദ,അബ്ദുല്ല,അനസ്, അദ്നാൻ, മിസ്ബ, രിദാൻ.

അദ്ദേഹത്തിൻ്റെ നിര്യാണത്തെ തുടർന്ന് വെൽഫെയർ പാർട്ടിയുടെ പ്രക്ഷോഭ ജാഥ നിർത്തിവെച്ചു. 

അബ്ദുന്നാസറിൻ്റെ നിര്യാണത്തിൽ വെൽഫെയർ പാർട്ടി വേങ്ങര മണ്ഡലം കമ്മിറ്റിയും പ്രവാസി വെൽഫെയർ സൗദി വെസ്റ്റേൺ  പ്രൊവിൻസ് കമ്മിറ്റിയും അനുശോചനം രേഖപ്പെടുത്തി.