ഇ.പി ജയരാജന് -പ്രകാശ് ജാവദേക്കര്‍ കൂടിക്കാഴ്ച മുഖ്യമന്ത്രിക്ക് വേണ്ടി എന്ന ആരോപണവുമായി കോണ്‍ഗ്രസ്. കൂടിക്കാഴ്ചയില്‍ നടന്നത് കൃത്യമായ ഡീലെന്ന് എ.ഐ.സി.സി ജനറല്‍ സെക്രട്ടറി കെ.സി വേണുഗോപാല്‍ ആരോപിച്ചു. കേരളത്തിലെ മുഖ്യമന്ത്രി അറിയാതെ ഇ പി ജയരാജന് ജാവദേക്കറിനെ കാണാനാകില്ല. ബിജെപിയുമായുള്ള ബന്ധത്തിന് കൃത്യമായി കളമൊരുക്കുന്നതായിരുന്നു കൂടിക്കാഴ്ചയെന്ന് കെ സി വേണുഗോപാല്‍ മാധ്യമങ്ങളോട് പറഞ്ഞു. (K C Venugopal slams Pinarayi vijayan in EP Jayarajan- BJP row)
ബിജെപിയുമായുള്ള ബാന്ധവം ഇ പി ജയരാജനില്‍ മാത്രം ഒതുങ്ങില്ലെന്ന് കെ സി വേണുഗോപാല്‍ പറയുന്നു. കള്ളി വെളിച്ചത്താകുമ്പോള്‍ രക്ഷപ്പെടാനുള്ള ശ്രമമാണ് ഇന്നലെ മുഖ്യമന്ത്രി നടത്തിയത്. സംഭവത്തില്‍ ഇ പി മാത്രമല്ല മുഖ്യമന്ത്രിയും മറുപടി പറയണം. ഈ ഗൂഢാലോചനയില്‍ മുഖ്യമന്ത്രിയ്ക്ക് പ്രധാന പങ്കുണ്ടെന്നും കെ സി വേണുഗോപാല്‍ പറഞ്ഞു.
Read Also:
കേരളത്തില്‍ പോളിംഗ് ശതമാനം കുറയ്ക്കാന്‍ ബോധപൂര്‍വമായ ഇടപെടലുകളുണ്ടായെന്നും കെ സി വേണുഗോപാല്‍ ആരോപിച്ചു. തെരഞ്ഞെടുപ്പ് ഹൈജാക്ക് ചെയ്യാന്‍ സിപിഐഎം ശ്രമിച്ചു. താമസം നേരിട്ട 90 ശതമാനം ബൂത്തൂകളും യുഡിഎഫിന് മേല്‍ക്കൈയുള്ള ബൂത്തുകളായിരുന്നുവെന്നും കെ സി വേണുഗോപാല്‍ പറഞ്ഞു.
Story Highlights : K C Venugopal slams Pinarayi vijayan in EP Jayarajan- BJP row
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
