ചർമ്മ സംബന്ധമായ പ്രശ്നങ്ങൾ തടയുന്നതിനും ചര്‍മ്മത്തിന്‍റെ ആരോഗ്യം സംരക്ഷിക്കാനും ദിവസവും സൺസ്ക്രീൻ പുരട്ടേണ്ടത് പ്രധാനമാണ്. പ്രത്യേകിച്ച് വേനൽക്കാലത്ത് പുറത്തിറങ്ങുമ്പോള്‍ ഉറപ്പായും സൺസ്ക്രീൻ ഉപയോഗിക്കണം. സൂര്യനിൽ നിന്നുള്ള അൾട്രാവയലറ്റ് (യുവി) രശ്മികളില്‍ നിന്നും ചര്‍മ്മത്തെ സംരക്ഷിക്കാനും സ്കിന്‍ ക്യാൻസര്‍ മുതല്‍ സണ്‍ ടാന്‍ വരെ തടയാനും സൺസ്‌ക്രീന്‍ ഉപയോഗിക്കുന്നത് ഗുണം ചെയ്യും.
കാലാവസ്‌ഥ ഏതാണെങ്കിലും സൺസ്ക്രീൻ ഉപയോഗിക്കണം എന്നതാണ് ഏറ്റവും പ്രധാനം. ഏതെങ്കിലും ഒരു സൺസ്ക്രീൻ എന്നതിലുപരി നമ്മുടെ ചർമ്മത്തിന് ചേരുന്ന സൺസ്ക്രീൻ വേണം തെരഞ്ഞെടുക്കാൻ. കെമിക്കൽ സൺസ്ക്രീൻ, ഫിസിക്കൽ സൺസ്ക്രീൻ, ക്രീം സൺസ്ക്രീൻ, മിനറൽ സൺസ്ക്രീൻ എന്നിങ്ങനെ പലതം സൺസ്‌ക്രീനുകളുണ്ട്. നമ്മുടെ ചർമം ഏത് തരമാണെന്ന് മനസിലാക്കി വേണം സൺസ്ക്രീനുകൾ തെരഞ്ഞെടുക്കേണ്ടത്. മിനറൽ ആക്റ്റീവ് ഘടകങ്ങൾ അടങ്ങിയ സൺസ്ക്രീനുകൾ ഉപയോഗിക്കുന്നതാണ് സുരക്ഷിതവും കൂടുതൽ ഫലപ്രദവും. വരണ്ട ചര്‍മ്മമുള്ളവര്‍ക്കും എണ്ണമയം ഉള്ള ചര്‍മ്മത്തിനുമൊക്കെ പ്രത്യേക തരം സൺസ്‌ക്രീനുകള്‍ വിപണിയില്‍ ലഭ്യമാണ്.
മുഖത്ത് സൺസ്‌ക്രീന്‍ ഇടുന്നതിന് മുമ്പായി കയ്യിൽ പുരട്ടി നോക്കി അലർജി ഇല്ലെന്ന് ഉറപ്പ് വരുത്തണം. നിങ്ങളുടെ ചർമ്മത്തിന് ചേരുന്ന തരം മോയിസ്ചറൈസർ ആദ്യം ഉപയോഗിക്കണം. അതിന് ശേഷമേ സൺസ്ക്രീനുകൾ അപ്ലൈ ചെയ്യാന്‍ പാടുകയുള്ളൂ. നാല് മണിക്കൂർ വരെയാണ് സൺസ്ക്രീനുകൾ സംരക്ഷണം നൽകുന്നത്. അതുകൊണ്ട് തന്നെ അതിന് ശേഷം ഇവ വീണ്ടും അപ്ലൈ ചെയ്യണം. ഓയിലി സ്‌കിന്നുള്ളവർ ജെൽ ടൈപ്പ് സൺസ്ക്രീൻ ഉപയോഗിക്കുന്നതാകും നല്ലത്. വരണ്ട ചർമ്മുള്ളവരാണെങ്കിൽ ക്രീം രൂപത്തിലുള്ള സൺസ്ക്രീൻ വേണം ഉപയോഗിക്കാൻ. വലിയ രീതിയിലുള്ള വെയിൽ ഏൽക്കാത്തവർ SPF 30 + ഉപയോഗിക്കുക. വെയിൽ കൊള്ളുന്നത് കൂടുതലാണെങ്കിൽ 50+ സൺസ്ക്രീനുകൾ ഉപയോഗിക്കുന്നതാണ് ഉചിതം. മുഖത്ത് മാത്രമായി സണ്‍സ്ക്രീന്‍ ഒരിക്കലും ഉപയോഗിക്കരുത്, പകരം ഇവ കഴുത്തിലും വേണമെങ്കില്‍ കൈയിലും പുരട്ടണം. സൂര്യതാപം തടയാനും മെലനോമ ഉൾപ്പെടെയുള്ള ചർമ്മ ക്യാൻസറിനുള്ള സാധ്യത കുറയ്ക്കാനും സൺസ്ക്രീൻ സഹായിക്കുന്നു. കൂടാതെ ചർമ്മത്തിന്റെ നേർത്ത വരകളും ചുളിവുകളും കുറയ്ക്കുവാനും സൺസ്‌ക്രീനിന്റെ ഉപയോഗം സഹായിക്കുന്നു.
Also read: മുഖത്തെ ചുളിവുകളും വരകളും മാറ്റാന്‍ പരീക്ഷിക്കേണ്ട വഴികള്‍
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
