നെന്മാറ ഇരട്ടക്കൊലപാതകം; പ്രതിയെ ഇനിയും പിടികൂടാനാകാതെ പൊലീസ്, ഇന്ന് തെരച്ചിൽ വ്യാപിപ്പിക്കും

.news-body p a {width: auto;float: none;}

പാലക്കാട്: അയൽവാസികളായ അമ്മയെയും മകനെയും വെട്ടിക്കൊന്ന കേസിലെ പ്രതി ചെ​ന്താ​മ​രയെ ഇനിയും പിടികൂടാനാകാതെ പൊലീസ്. കൊലപാതകത്തിനുശേഷം പ്രതി കഴി‌ഞ്ഞിരുന്ന പോത്തുണ്ടി, നെല്ലിയാമ്പതി മേഖലകളിൽ നാട്ടുകാരുടെ സഹായത്തോടെ ഇന്ന് പരിശോധന വ്യാപിപ്പിക്കും. ആലത്തൂർ ഡിവൈ‌െസ്‌പിയുടെ നേതൃത്വത്തിൽ ഏഴുപേരടങ്ങുന്ന നാല് സംഘങ്ങളാണ് പരിശോധന നടത്തുന്നത്.

ചെന്താമരയുടെ വീട്ടിൽ നിന്ന് പാതി ഉപയോഗിച്ച വിഷക്കുപ്പി കണ്ടെത്തിയതിനാൽ ആത്മഹത്യ ചെയ്യാനുള്ള സാദ്ധ്യതയും പൊലീസ് തള്ളിക്കളയുന്നില്ല. 2019ൽ സു​ധാ​ക​ര​ന്റെ​ ​ഭാ​ര്യ​ സജിതയെ കൊലപ്പെടുത്തിയതിനുശേഷം ഒളിവിൽ കഴിഞ്ഞിരുന്ന ചെന്താമര വിശപ്പ് സഹിക്കാനാവാതെയാണ് ഒളിവിൽ നിന്ന് പുറത്തുവന്നത്. സമാന രീതിയിൽ ഇത്തവണയും പ്രതി പുറത്തുവരുമെന്നാണ് പൊലീസ് പ്രതീക്ഷിക്കുന്നത്. ​

പാ​ല​ക്കാ​ട് ​നെ​ന്മാ​റ​ ​പോ​ത്തു​ണ്ടി​ ​ബോ​യ​ൻ​കോ​ള​നി​യി​ലെ​ ​സു​ധാ​ക​ര​ൻ​ ​(56),​ ​അ​മ്മ​ ​ല​ക്ഷ്മി​ ​(78​)​ ​എ​ന്നി​വ​രെ​യാ​ണ് ​പ്ര​തി​യാ​യ​ ​ചെ​ന്താ​മ​ര​ ​ക്രൂ​ര​മാ​യി​ ​കൊ​ന്ന​ത്.​ വ്യ​ക്തി​ ​വൈ​രാ​ഗ്യ​മാ​യി​രു​ന്നു കൊലയ്ക്ക് കാരണം. അതേസമയം, പൊലീസിന്റെ ഭാഗത്തുനിന്ന് വീഴ്ചയുണ്ടായെന്ന് സുധാകരന്റെ മക്കളായ അ​തു​ല്യ,​ അഖില എന്നിവർ ആരോപിച്ചു. പൊലീസിൽ വിശ്വാസമില്ല. നേരത്തെ നൽകിയ പരാതിയിൽ പൊലീസ് നടപടി സ്വീകരിച്ചില്ല. എടുത്തിരുന്നെങ്കിൽ അച്ഛനും മുത്തശ്ശിയും ജീവനോടെ ഉണ്ടാകുമായിരുന്നുവെന്നും മക്കൾ പ്രതികരിച്ചു. സുധാകരന്റെയും ലക്ഷ്മിയുടെയും മൃതദേഹം ഇന്ന് പോസ്റ്റുമോർട്ടം ചെയ്യും. തുടർന്ന് സുധാകരന്റെ സഹോദരിയുടെ വീട്ടിൽ എത്തിച്ച് ചടങ്ങുകൾക്ക് ശേഷം വക്കാവ് ശ്മശാനത്തിൽ സംസ്‌കരിക്കും.