കണ്ണൂർ: പിഎസ്‌സി പരീക്ഷയിൽ ഹൈടെക് കോപ്പിയടിക്ക് ശ്രമം. സെക്രട്ടേറിയറ്റ് അസിസ്റ്റന്റ് പരീക്ഷയിൽ ക്യാമറയും ബ്ലൂടൂത്ത് ഹെഡ്സെറ്റും ഉപയോഗിച്ച് കോപ്പിയടിക്കാൻ ശ്രമിച്ച കണ്ണൂർ പെരളശ്ശേരി സ്വദേശി മുഹമ്മദ് സഹദ് പോലീസ് പിടിയിലായി.
ഇയാൾ ഇതിനു മുൻപ് എഴുതിയ പിഎസ്‌സി പരീക്ഷകളിലും സമാനമായ ക്രമക്കേട് നടത്തിയിട്ടുണ്ടോയെന്ന് അധികൃതർ പരിശോധിച്ചുവരികയാണ്. പയ്യമ്പലം ഗവ.
ഗേൾസ് ഹയർ സെക്കൻഡറി സ്‌കൂളിൽ വെച്ച് നടന്ന പരീക്ഷക്കിടെയാണ് സംഭവം. വസ്ത്രത്തിൽ ഘടിപ്പിച്ച ക്യാമറ വഴി ചോദ്യങ്ങൾ പുറത്തുള്ള സുഹൃത്തിന് കൈമാറി, ബ്ലൂടൂത്ത് ഹെഡ്‌സെറ്റിലൂടെ ഉത്തരങ്ങൾ കേട്ടെഴുതാനായിരുന്നു ശ്രമം.
സഹദിന്റെ പെരുമാറ്റത്തിൽ സംശയം തോന്നിയ ഇൻവിജിലേറ്റർമാർ പോലീസിൽ വിവരമറിയിക്കുകയായിരുന്നു. പോലീസെത്തിയതോടെ ഓടി രക്ഷപ്പെടാൻ ശ്രമിച്ച പ്രതിയെ പിടികൂടി.
ഇയാളെ കണ്ണൂർ ടൗൺ പോലീസ് സ്റ്റേഷനിലെത്തിച്ച് ചോദ്യം ചെയ്തുവരികയാണ്. FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
