നവദമ്പതികൾ സഞ്ചരിച്ച സ്‌കൂട്ടറിന് പിന്നിൽ കണ്ടെയ്‌നർ ലോറിയിടിച്ചു, നവവധുവിന് ദാരുണാന്ത്യം

.news-body p a {width: auto;float: none;}

തിരുവനന്തപുരം: ഭ‌ർത്താവിനൊപ്പം സ്‌കൂട്ടറിൽ യാത്രചെയ്യുകയായിരുന്ന നവ വധു വാഹനാപകടത്തിൽ മരിച്ചു. ആറ്റിങ്ങൽ മാമം ദേശീയപാതയിലാണ് സംഭവം. കൊല്ലം കൊട്ടറ സ്വദേശി കൃപ മുകുന്ദനാണ് മരിച്ചത്. ഭർത്താവ് അഖിൽ ജിത്തിന് പരിക്കേറ്റു. ജോലി ആവശ്യത്തിന് തിരുവനന്തപുരം വരെ പോയി മടങ്ങിവരികയായിരുന്നു ദമ്പതികൾ. ഇതിനിെ ഇവരുടെ സ്‌കൂട്ടറിന് പിന്നിൽ കണ്ടെയ്‌നർ ലോറി ഇടിക്കുകയായിരുന്നു.

റോഡിലേക്ക് തെറിച്ചുവീണ കൃപയുടെ തലയിലൂടെ കണ്ടെയ്‌നർ ലോറി കയറിയിറങ്ങി. കൃപ തൽക്ഷണം മരിച്ചു. അഖിൽ ജിത്ത് നിസാര പരിക്കുകളോടെ രക്ഷപ്പെട്ടു. ഓഗസ്‌റ്റ് 21നായിരുന്നു കൃപയുടെയും അഖിൽ ജിത്തിന്റെയും വിവാഹം. കൊട്ടാരക്കര ബാർ കൗൺസിലിൽ അഭിഭാഷകയാണ് കൃപ. മൃതദേഹം ആറ്റിങ്ങൽ താലൂക്ക് ആശുപത്രിയിലേക്ക് മാറ്റി.