ഹരിയാനയിലെ ഖാർഖോഡയിൽ പ്രതിവർഷം 2.5 ലക്ഷം വാഹനങ്ങൾ വരെ ഉത്പാദിപ്പിക്കാൻ ശേഷിയുള്ള മൂന്നാമത്തെ പ്ലാന്റ് സ്ഥാപിക്കുന്നതിനായി 7,410 കോടി രൂപയുടെ നിക്ഷേപത്തിന് ബോർഡ് അംഗീകാരം നൽകിയതായി മാരുതി സുസുക്കി ഇന്ത്യ അറിയിച്ചു. ബോർഡ് യോഗത്തിന് ശേഷമാണ് ഈ പ്രഖ്യാപനം നടത്തിയത്. ആഭ്യന്തര വിപണിയിലെയും കയറ്റുമതിയിലെയും ആവശ്യകത നിറവേറ്റുന്നതിനായാണ് കമ്പനി ഈ പുതിയ പ്ലാന്റ് സ്ഥാപിക്കാൻ പോകുന്നത്.
ഹരിയാനയിലെ ഖാർഖോഡയിൽ ആരംഭിക്കുന്ന മാരുതി സുസുക്കിയുടെ മൂന്നാമത്തെ പ്ലാന്റാണിത്. ഇതിനായി കമ്പനി 7,410 കോടി രൂപ നിക്ഷേപിക്കാൻ പദ്ധതിയിട്ടിട്ടുണ്ട്. ഈ പ്ലാന്റിന്റെ ഉൽപ്പാദന ശേഷി പ്രതിവർഷം 2.5 ലക്ഷം ആയിരിക്കുമെന്നാണ് റിപ്പോർട്ടുകൾ. ഈ അധിക പ്ലാന്റ് കൂടി വരുന്നതോടെ, ഖാർഖോഡ പ്ലാന്റിലെ മാരുതി സുസുക്കിയുടെ മൊത്തം ഉൽപ്പാദന ശേഷി പൂർണ്ണമായും പ്രവർത്തനക്ഷമമാകുന്നതോടെ പ്രതിവർഷം 7.5 ലക്ഷം യൂണിറ്റിലെത്തുമെന്ന് പ്രതീക്ഷിക്കുന്നു. 2029 ഓടെ പുതിയ പ്ലാന്റ് പൂർത്തിയാക്കാനാണ് കമ്പനി പദ്ധതിയിടുന്നത്.
ഹരിയാനയിലെ സോണിപത് ജില്ലയിൽ സ്ഥിതി ചെയ്യുന്ന ഖാർഖോഡ പ്ലാന്റ്, മാരുതി സുസുക്കിയുടെ നിർമ്മാണ ശൃംഖലയിൽ താരതമ്യേന പുതിയതാണ്. ഈ സ്ഥലത്തെ ആദ്യത്തെ പ്ലാന്റ് വാണിജ്യ പ്രവർത്തനം ആരംഭിച്ചത് കഴിഞ്ഞ മാസം 2025 ഫെബ്രുവരിയിലാണ്. കമ്പനിയുടെ പ്രശസ്‍തമായ എസ്‌യുവി മാരുതി ബ്രെസയാണ് ഇവിടെ നിർമ്മിച്ചത്. 2.5 ലക്ഷം യൂണിറ്റ് ഉൽപ്പാദന ശേഷിയുള്ള രണ്ടാമത്തെ പ്ലാന്റിന്റെ നിർമ്മാണം പുരോഗമിക്കുന്നു.
മാരുതി സുസുക്കിയുടെ പ്രവർത്തനങ്ങൾക്ക് ഖാർഖോഡയുടെ സ്ഥാനം വളരെ പ്രധാനപ്പെട്ടതും ലാഭകരവുമാണ്. സോണിപത്തിൽ നിന്ന് ഏകദേശം 19 കിലോമീറ്റർ അകലെ സ്ഥിതി ചെയ്യുന്നതും കുണ്ഡ്ലി മനേസർ പൽവാൾ എക്സ്പ്രസ് വേയുമായി മികച്ച കണക്റ്റിവിറ്റിയുള്ളതുമായ ഈ സ്ഥലം ലോകോത്തര അടിസ്ഥാന സൗകര്യങ്ങളും ലോജിസ്റ്റിക്സും വാഗ്ദാനം ചെയ്യുന്നു. ഈ നിർമ്മാണ കേന്ദ്രത്തിനായി കമ്പനി ഐഎംടി ഖാർഖോഡയിൽ 900 ഏക്കർ ഭൂമി ഏറ്റെടുത്തു. ഈ മേഖലയുടെ മൊത്തത്തിലുള്ള വികസനത്തിലും ഇത് ഒരു പ്രധാന പങ്ക് വഹിക്കും.
പ്രതിവർഷം 2.5 ലക്ഷം യൂണിറ്റ് വരെ ശേഷി വർദ്ധിപ്പിക്കാനാണ് ലക്ഷ്യമിടുന്നത്. ഇതോടെ ഖാർഖോഡയിലെ ശേഷി പ്രതിവർഷം 7.5 ലക്ഷം യൂണിറ്റിലെത്തുമെന്നും 2029 ഓടെ നിർദ്ദിഷ്ട ശേഷി കൂട്ടിച്ചേർക്കുമെന്നും റിപ്പോർട്ടിൽ പറയുന്നു. കയറ്റുമതി ഉൾപ്പെടെയുള്ള വിപണി ആവശ്യകതയിലുണ്ടായ വളർച്ചയാണ് മൂന്നാമത്തെ പ്ലാന്റ് സ്ഥാപിക്കുന്നതിന് പിന്നിലെ കാരണമെന്ന് കമ്പനി പറഞ്ഞു. ആഭ്യന്തര നിക്ഷേപത്തിലൂടെയായിരിക്കും നിക്ഷേപം കണ്ടെത്തുകയെന്നും കമ്പനി പറഞ്ഞു.
1981 ൽ ഇന്ത്യാ ഗവൺമെന്റിന്റെയും ജാപ്പനീസ് സുസുക്കി മോട്ടോർ കോർപ്പറേഷന്റെയും സംയുക്ത സംരംഭമായി ആരംഭിച്ച മാരുതി സുസുക്കി ഇന്ന് രാജ്യത്തെ ഏറ്റവും വലിയ കാർ കമ്പനിയാണ്. ആഭ്യന്തര വിപണിയിലെ പാസഞ്ചർ വാഹന വിഭാഗത്തിൽ ഏകദേശം 40 ശതമാനം വിഹിതം മാരുതി സുസുക്കിയുടെ കൈവശമുണ്ട്. കഴിഞ്ഞ കുറച്ച് വർഷങ്ങളായി, പുതിയ കമ്പനികളുടെ വരവ് കാരണം കമ്പനിയുടെ വിപണി വിഹിതം നേരിയ തോതിൽ കുറഞ്ഞു. നേരത്തെ മാരുതി സുസുക്കിയുടെ വിഹിതം 50 ശതമാനത്തിൽ കൂടുതലായിരുന്നു.
എന്നാൽ പെട്രോൾ-സിഎൻജിക്ക് ശേഷം, ഇപ്പോൾ കമ്പനി മാരുതി ഇ-വിറ്റാരയുമായി ഇലക്ട്രിക് വാഹന വിഭാഗത്തിലേക്ക് പ്രവേശിക്കാൻ പോകുന്നു. ഇതിനുപുറമെ, പുതിയ ഉൽ‌പാദന പ്ലാന്റ് ആരംഭിക്കുന്നതോടെ, വിപണി വിഹിതം വർദ്ധിക്കുമെന്ന് കമ്പനി പ്രതീക്ഷിക്കുന്നു. മാരുതി സുസുക്കി ഹരിയാനയിലെ മനേസർ, ഗുരുഗ്രാം പ്ലാന്റുകളിൽ നിന്നാണ് വാഹനങ്ങൾ നിർമ്മിക്കുന്നത്. ഇന്ത്യയിലെ 2,304 നഗരങ്ങളിലായി 4,564 ടച്ച് പോയിന്റുകളുടെ വിശാലമായ ശൃംഖലയാണ് മാരുതി സുസുക്കിക്കുള്ളത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
