മൂവാറ്റുപുഴ – ആരക്കുഴ റോഡില്‍ നിയന്ത്രണം വിട്ട ബൈക്ക് വൈദ്യുത പോസ്റ്റിലിടിച്ച്‌ അപകടം; യുവതിക്ക് ദാരുണാന്ത്യം
ഇടുക്കി: മൂവാറ്റുപുഴ – ആരക്കുഴ റോഡില്‍ നിയന്ത്രണം നഷ്ടപ്പെട്ട ബൈക്ക് വൈദ്യുത പോസ്റ്റിലിടിച്ച്‌ ഗുരുതരമായി പരിക്കേറ്റ യുവതി മരിച്ചു.
ഇടുക്കി പുറപ്പുഴ കുണിഞ്ഞി സ്വദശി മേമ്ബിള്ളില്‍ ഷാൻറി ബോബി (36) ആണ് മരിച്ചത്. ശനിയാഴ്ച വൈകിട്ടാണ് അപകടമുണ്ടായത്.
ഉച്ചതിരിഞ്ഞ് മൂന്ന് മണിയോടെ ഷാന്റിയും, ഭര്‍ത്താവ് ബോബി എം.വൈയും രണ്ട് വയസ്സുള്ള ഇവരുടെ കുട്ടിയും സഞ്ചരിച്ച ബൈക്കാണ് പെരുമ്പല്ലൂരില്‍ അപകടത്തില്‍പെടുകയായിരുന്നു. ഇടിയുടെ ആഘാതത്തില്‍ തലക്ക് ഗുരുതരമായി പരിക്കേറ്റ ഷാൻ്റിയെ കോലഞ്ചേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചിരുന്നു.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
ചികിത്സയിലിരിക്കെ ഇന്ന് വൈകുന്നേരം മരണത്തിന് കീഴടങ്ങുകയായിരുന്നു.
അതേസമയം, അപകടത്തില്‍ പരിക്കേറ്റ ബോബി ചികിത്സയില്‍ തുടരുകയാണ്. കുട്ടി പരിക്കുകളേല്‍ക്കാതെ രക്ഷപെട്ടു.
കുട്ടിയുമായി ആശുപത്രിയില്‍ പോയി തിരികെ വരുന്നതിനിടയിലാണ് അപകടമുണ്ടായത്. മൃതദേഹം പോസ്റ്റ്മോർട്ടത്തിന് ശേഷം വീട്ടുകാർക്ക് വിട്ടുനല്‍കും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
