നവകേരള സദസില്‍ കടയ്ക്കാവൂർ സ്വദേശി നല്‍കിയ പരാതിക്ക് ലഭിച്ചത് വിചിത്ര മറുപടി ; തീർപ്പാക്കാത്ത പരാതി തീർപ്പാക്കി എന്ന് സർക്കാരിന്റെ ഫോണ്‍ സന്ദേശം.
തിരുവനന്തപുരം :നവകേരള സദസില്‍ വിചിത്ര മറുപടി. തീർപ്പാക്കാത്ത പരാതി തീർപ്പാക്കി എന്ന് സർക്കാരിന്റെ ഫോണ്‍ സന്ദേശം.ഭാര്യയുടെ മരണത്തിലെ ദുരൂഹത അന്വേഷിക്കണം എന്നായിരുന്നു പരാതി.
മറുപടി ലഭിച്ചത് കടയ്ക്കാവൂർ സ്വദേശി സുനില്‍ കുമാറിനാണ്. പ്രതീക്ഷയോടെയാണ് പരാതി നല്‍കിയതെന്നും സർക്കാർ മറുപടിയില്‍ നിരാശയെന്നും സുനില്‍കുമാർ പറയുന്നു. അതേസമയം നവകേരള സദസ്സുകളില്‍ ഓരോ സ്ഥലങ്ങളിലെയും വിവിധ തുറകളില്‍ നിന്നുള്ള ജനങ്ങളില്‍ നിന്ന് സ്വീകരിച്ച നിർദ്ദേശങ്ങള്‍ നടപ്പാക്കുന്നതിനുള്ള വകുപ്പുതല അവലോകന യോഗങ്ങള്‍ തുടങ്ങി.
മുഖ്യമന്ത്രിയുടെ നേതൃത്വത്തിലാണ് അവലോകനം നടക്കുന്നത്. ഓരോ വകുപ്പിലെയും ഉന്നതതല ഉദ്യോഗസ്ഥരെ നേരില്‍ വിളിച്ച്‌ നിർദ്ദേശങ്ങള്‍ ഓരോന്നായി പരിശോധിക്കും.അവയുടെ സാധ്യതകള്‍ തിരിച്ചറിഞ്ഞ് തുടർ നടപടികളിലേക്ക് പോകും. ഇത് ആദ്യത്തെ അവലോകന യോഗമാണ്.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
തുടർന്നും യോഗങ്ങള്‍ നടക്കുമെന്നാണ് അറിയുന്നത്. വ്യത്യസ്ത വകുപ്പുകളില്‍ നിന്ന് വന്ന നിര്‍ദേശങ്ങള്‍ പ്രത്യേകമായി പരിശോധിക്കും. സാങ്കേതിക കാര്യങ്ങള്‍ ഉള്‍പ്പെടെയുള്ളവ പരിശോധനയ്ക്ക് വിധേയമാക്കി ഓരോ നിർദ്ദേശത്തിലും തുടര്‍നടപടികള്‍ കൈക്കൊള്ളാന്‍ യോഗത്തില്‍ മുഖ്യമന്ത്രി നിര്‍ദേശിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
