തിരുവനന്തപുരം: ടെക് ലോകത്തിലെ മുൻനിര കമ്പനികളിൽ ഒന്നായ ഗൂഗിൾ അടുത്തിടെ ആഗോളവിപണിയിൽ പുതിയ പിക്‌സൽ 10 സീരീസ് പുറത്തിറക്കി. പിക്‌സൽ 10 സീരീസ് പുറത്തിറക്കിയതോടെ, ഗൂഗിൾ കഴിഞ്ഞ വർഷത്തെ ഫ്ലാഗ്ഷിപ്പായ പിക്‌സൽ 9 പ്രോയുടെ വില കുറച്ചു.
1,09,999 രൂപയ്ക്ക് അവതരിപ്പിച്ച ഈ ഫോൺ ഇപ്പോൾ 23,000 രൂപ വരെ കിഴിവോടെ ലഭ്യമാണ്. ഇത് ഇന്ത്യയിലെ പ്രീമിയം സ്‍മാർട്ട്‌ഫോൺ വാങ്ങുന്നവർക്ക് മികച്ച ഓഫറാണ്.
വിലക്കുറവിന് ശേഷം, ഫോൺ ഇപ്പോൾ ഫ്ലിപ്‍കാർട്ടിൽ 89,999 രൂപയ്ക്ക് ലിസ്റ്റ് ചെയ്‌തിട്ടുണ്ട്. ഇത് ഫോണിന്‍റെ വിലയിൽ 20,000 രൂപയുടെ നേരിട്ടുള്ള കുറവ് നൽകുന്നു.
മാത്രമല്ല ഇപ്പോൾ ഗൂഗിൾ പിക്‌സൽ 9 പ്രോ വാങ്ങാൻ ആഗ്രഹിക്കുന്നവർക്ക് 3,000 രൂപ ബാങ്ക് കിഴിവും ലഭിക്കും. ഇത് ഫലത്തിൽ ഫോണിന്‍റെ വില 86,999 രൂപയായി കുറയ്ക്കും.
എക്സ്ചേഞ്ച് ഓഫറുകൾ ഉപയോഗിച്ച് 55,850 രൂപ വരെ വിലയിലും ഇപ്പോൾ ഈ ഫോൺ വാങ്ങാം. കൂടാതെ നോ-കോസ്റ്റ് ഇഎംഐ ഓപ്ഷനുകളും ലഭിക്കും.
ഗൂഗിൾ പിക്‌സൽ 9 പ്രോ സവിശേഷതകൾ ഗൂഗിളിന്‍റെ ചരിത്രത്തിലെ രണ്ടാമത്തെ ഫോള്‍ഡബിള്‍ സ്‌മാര്‍ട്ട്ഫോണാണ് ഗൂഗിൾ പിക്‌സൽ 9 പ്രോ. ആദ്യമായാണ് ഗൂഗിൾ പിക്‌സൽ 9 പ്രോ ഇന്ത്യന്‍ മാര്‍ക്കറ്റിലേക്ക് വരുന്നത്.
മുമ്പിറങ്ങിയ ഫസ്റ്റ് ജനറേഷന്‍ പിക്‌സല്‍ ഫോള്‍ഡ് ഇന്ത്യയില്‍ ലഭ്യമായിരുന്നില്ല. വലിയ ഡിസ്‌പ്ലെയും കനം കുറഞ്ഞ ഡിസൈനും ഗൂഗിള്‍ എഐയുമാണ് പിക്‌സല്‍ 9 പ്രോ ഫോള്‍ഡിന്‍റെ പ്രധാന സവിശേഷതയെന്ന് ഗൂഗിള്‍ അവകാശപ്പെടുന്നു.
ഏതൊരു ബ്രാന്‍ഡിന്‍റെയും ഇതുവരെയുള്ള ഏറ്റവും വലിയ ഫോള്‍ഡബിള്‍ ഇന്നര്‍ ഡിസ്‌പ്ലെയാണ് (8 ഇഞ്ച്) ഈ മോഡലില്‍ ഉള്‍പ്പെടുത്തിയിരിക്കുന്നത്. 6.3 ഇഞ്ചിന്‍റേതാണ് കവര്‍ ഡിസ്പ്ലെ.
പിക്‌സല്‍ 9-ന്‍റെ മറ്റ് മോഡലുകളിലെ പോലെ ടെന്‍സര്‍ ജി4 പ്രൊസസറാണ് ഗൂഗിള്‍ പിക്‌സല്‍ 9 പ്രോ ഫോള്‍ഡിലും വരുന്നത്. ഗൂഗിള്‍ എഐയുടെ ഏറെ ഫീച്ചറുകള്‍ ഈ മോഡലില്‍ ഉള്‍പ്പെടുത്തിയിരിക്കുന്നു.
പിക്‌സല്‍ സ്ക്രീന്‍ഷോട്ട്‌സ്, പിക്‌സല്‍ സ്റ്റുഡിയോ, സര്‍ക്കിള്‍ ടു സെര്‍ച്ച്, സമ്മറൈസ്, ജെമിനി, മാജിക് എഡിറ്റര്‍, ബെസ്റ്റ് ടേക്ക്, വീഡിയോ ബൂസ്റ്റ്, ആഡ് മീ, പ്രോ കണ്‍ട്രോള്‍സ് തുടങ്ങി അനവധി എഐ ടൂളുകള്‍ ഫീച്ചറുകളുടെ പട്ടികയിലുണ്ട്. 48 എംപി വൈഡ് ആംഗിള്‍, 10.5 എംപി അള്‍ട്രാ വൈഡ്, 10.8 എംപി ടെലിഫോട്ടോ സെന്‍സര്‍ (5x ഒപ്റ്റിക്കല്‍ സൂം, 20x സൂപ്പര്‍ റെസ് സൂം) എന്നിവയാണ് ക്യാമറകള്‍.
42 എംപി ഫ്രണ്ട് ക്യാമറ ഇന്നര്‍ ഡിസ്‌പ്ലെയിലും 10 എംപി ക്യാമറ കവര്‍ സ്ക്രീനിലും ഇതിന് പുറമെ ഉള്‍പ്പെടുത്തിയിട്ടുണ്ട്. ആന്‍ഡ്രോയ്‌ഡ് 14, വയര്‍ലെസ് ചാര്‍ജിംഗ്, 45 വാട്ട്‌സ് ചാര്‍ജിംഗ്, 4650 എംഎഎച്ച് ബാറ്ററി, നാനോ സിം കാര്‍ഡ്, ഇ-സിം, 5ജി, 4ജി എല്‍ടിഇ, വൈഫൈ 7, ബ്ലൂടൂത്ത് 5.3, എന്‍എഫ്‌പി, ജിപിഎസ്, യുഎസ്‌ബി ടൈപ്പ് സി പോര്‍ട്ട്, ആംബിയന്‍റ് ലൈറ്റ് സെന്‍സര്‍, പ്രോക്‌സിമിറ്റി സെന്‍സര്‍, ബാരോ മീറ്റര്‍, ആകി‌സിലറോ മീറ്റര്‍, ഗോറില്ല ഗ്ലാസ് വിക്‌ടസ്, ഐപിഎക്‌സ്8 റേറ്റിംഗ് എന്നിവയാണ് മറ്റ് പ്രത്യേകതകള്‍.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
