കാളി വെങ്കട് പ്രധാന കഥാപാത്രത്തെ അവതരിപ്പിക്കുന്ന തമിഴ് ചിത്രം കുരങ്ങ് പെഡല് തിയറ്ററുകളിലേക്ക്. രാസി അഴകപ്പന്‍റെ ചെറുകഥയെ ആസ്പദമാക്കി ചിത്രം സംവിധാനം ചെയ്യുന്നത് കമല കണ്ണനാണ്. ശിവകാര്‍ത്തികേയന്‍ പ്രൊഡക്ഷന്‍സ് സഹനിര്‍മ്മാതാക്കളാവുന്ന ചിത്രം മെയ് 3 ന് തിയറ്ററുകളിലെത്തും.
മാരിയപ്പനും അച്ഛനും തമ്മിലുള്ള ഇഴയടുപ്പമുള്ള ബന്ധത്തിന്‍റെ കഥയാണ് കുരങ്ങ് പെഡല് പറയുന്നത്. സൈക്ലിംഗില്‍ മുന്നേറണമെന്ന് ഏറെ ആഗ്രഹിക്കുന്ന ആളാണ് മാരിയപ്പന്‍. മാരിയപ്പന്‍റെ അച്ഛനെയാണ് ചിത്രത്തില്‍ കാളി വെങ്കട് അവതരിപ്പിക്കുന്നത്. സന്തോഷ് വേലുമുരുകന്‍, വി ആര്‍ രാഘവന്‍, എം ജ്ഞാനശേഖര്‍, രതീഷ്, സായ് ഗണേഷ് തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. പ്രസന്ന ബാലചന്ദറും ജെന്‍സണ്‍ ദിവാകറും ഈ ചിത്രത്തിന്‍റെ ഭാഗമാണ്. ഒരു സ്വപ്നത്തിന് പിന്നാലെ പോകുന്ന വ്യക്തിയും കുടുംബത്തിന്‍റെ ഇടപെടലുമാണ് ചിത്രത്തിന്‍റെ പ്രമേയം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
