പത്തനംതിട്ട: കിടങ്ങന്നൂരിൽ ഇന്നലെ കാണാതായ പത്താം ക്ളാസ് വിദ്യാർത്ഥികളുടെ മൃതദേഹങ്ങൾ കണ്ടെത്തി. അഭിരാജ്, അനന്തുനാഥ് എന്നിവരുടെ മൃതദേഹങ്ങളാണ് പിഎപി കനാലിൽ നിന്ന് കണ്ടുകിട്ടിയത്. കിടങ്ങന്നൂർ നാക്കാലിയ്ക്കൽ എസ്‌വിജിഎച്ച്‌എസ് വിദ്യാർത്ഥികളാണ്.
ഇന്ന് റിപ്പബ്ളിക് ദിന പരേഡിൽ പങ്കെടുക്കേണ്ടിയിരുന്ന എസ്‌പിസി കാഡറ്റുകളായ വിദ്യാർത്ഥികളാണ് മരിച്ചത്. ഇന്നലെ വൈകുന്നേരമാണ് ഇരുവരും കനാലിൽ ഇറങ്ങിയത്. പിന്നാലെ കാണാതാവുകയായിരുന്നു. രാവിലെ അഗ്നിരക്ഷാസേന നടത്തിയ തെരച്ചിലിലാണ് 200 മീറ്റർ അകലെ നിന്ന് മൃതദേഹങ്ങൾ കണ്ടെത്തിയത്. മൂന്ന് വിദ്യാർത്ഥികളാണ് കനാലിൽ കുളിക്കാൻ എത്തിയത്. ഒരാൾ ഒഴുക്കിൽപ്പെട്ടതോടെ മറ്റെയാൾ രക്ഷിക്കാനിറങ്ങിയതായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
