സിഡ്നി: ഇന്ത്യക്കെതിരായ മൂന്നാം ഏകദിനത്തിൽ ഓസ്ട്രേലിയ 236 റൺസിന് പുറത്ത്. ഇന്ത്യക്ക് വിജയലക്ഷ്യം 237 റൺസ്.
ടോസ് നേടി ബാറ്റിംഗിനിറങ്ങിയ ഓസ്ട്രേലിയ 46.4 ഓവറിൽ 236 റൺസിന് എല്ലാവരും പുറത്താവുകയായിരുന്നു. 56 റൺസെടുത്ത മാറ്റ് റെൻഷോയാണ് ഓസീസിൻ്റെ ടോപ് സ്കോറർ.
ക്യാപ്റ്റൻ മിച്ചൽ മാർഷ് 41 റൺസും ട്രാവിസ് ഹെഡ് 29 റൺസും നേടി. ഒരു ഘട്ടത്തിൽ 183-3 എന്ന ശക്തമായ നിലയിലായിരുന്ന ഓസീസിനെ, വെറും 53 റൺസിനിടെ അവസാന ഏഴ് വിക്കറ്റുകൾ വീഴ്ത്തി ഇന്ത്യൻ ബൗളർമാർ പിടിച്ചുകെട്ടുകയായിരുന്നു.
ഇന്ത്യക്ക് വേണ്ടി ഹർഷിത് റാണ നാല് വിക്കറ്റും വാഷിംഗ്ടൺ സുന്ദർ രണ്ട് വിക്കറ്റും സ്വന്തമാക്കി. കുൽദീപ് യാദവ്, പ്രസിദ്ധ് കൃഷ്ണ, മുഹമ്മദ് സിറാജ് എന്നിവർ ഓരോ വിക്കറ്റ് വീതം പങ്കിട്ടു.
നല്ല തുടക്കം, പിന്നെ തകര്‍ച്ച ടോസ് നേടി ബാറ്റിംഗിനിറങ്ങിയ ഓസീസിന് വേണ്ടി ഓപ്പണർമാരായ മിച്ചൽ മാർഷും ട്രാവിസ് ഹെഡും ചേർന്ന് മികച്ച തുടക്കം നൽകി. ഓപ്പണിംഗ് വിക്കറ്റിൽ 9.2 ഓവറിൽ 61 റൺസ് ചേർത്ത ഈ കൂട്ടുകെട്ട് മുഹമ്മദ് സിറാജാണ് തകർത്തത്.
29 റൺസെടുത്ത ട്രാവിസ് ഹെഡിനെ പ്രസിദ്ധ് കൃഷ്ണയുടെ കൈകളിലെത്തിച്ച് സിറാജ് ഇന്ത്യക്ക് ആദ്യ വിക്കറ്റ് സമ്മാനിച്ചു. അധികം വൈകാതെ, 41 റൺസുമായി നിലയുറപ്പിച്ച ക്യാപ്റ്റൻ മിച്ചൽ മാർഷിനെ കുൽദീപ് യാദവ് മടക്കി.
പിന്നീട് ക്രീസിലൊന്നിച്ച മാത്യു ഷോർട്ടും മാറ്റ് റെൻഷോയും ചേർന്ന് ഓസീസ് ഇന്നിംഗ്സ് മുന്നോട്ട് നയിച്ചു. SHARP CATCH FROM KING KOHLI.
pic.twitter.com/aHeGXrP13P — Mufaddal Vohra (@mufaddal_vohra) October 25, 2025 ഈ കൂട്ടുകെട്ട് ഓസീസിനെ മുന്നോട്ട് നയിക്കവെ, 30 റൺസെടുത്ത മാത്യു ഷോർട്ടിനെ പുറത്താക്കി വാഷിംഗ്ടൺ സുന്ദർ ഇന്ത്യക്ക് നിർണായക വിക്കറ്റ് നേടിക്കൊടുത്തു. തുടർന്ന് അലക്സ് ക്യാരിയെ കൂട്ടുപിടിച്ച് റെൻഷോ പോരാട്ടം തുടർന്നു.
33-ാം ഓവറിൽ ഓസീസ് സ്കോർ 183-ൽ എത്തിയെങ്കിലും, ഹർഷിത് റാണയുടെ പന്തിൽ ശ്രേയസ് അയ്യരുടെ മികച്ച ക്യാച്ചിൽ അലക്സ് ക്യാരി (24) പുറത്തായതോടെ ഓസീസിൻ്റെ തകർച്ചയ്ക്ക് തുടക്കമായി. View this post on Instagram A post shared by Star Sports India (@starsportsindia) തൊട്ടുപിന്നാലെ അർദ്ധസെഞ്ചുറി നേടിയ മാറ്റ് റെൻഷോയെ (56) സുന്ദർ പുറത്താക്കി. പിന്നീട് വന്നവർക്കാർക്കും പിടിച്ചുനിൽക്കാനായില്ല.
മിച്ചൽ ഓവൻ (1), മിച്ചൽ സ്റ്റാർക്ക് (1), നഥാൻ എല്ലിസ് (16) എന്നിവർ വേഗത്തിൽ മടങ്ങിയതോടെ 183-3 എന്ന നിലയിൽ നിന്ന് ഓസീസ് 223-8 എന്ന നിലയിലേക്ക് കൂപ്പുകുത്തി. അവസാന ഓവറുകളിൽ കൂപ്പർ കൊണോലിയെയും (23) ജോഷ് ഹേസൽവുഡിനെയും പുറത്താക്കി ഹർഷിത് റാണ ഓസീസ് ഇന്നിംഗ്സ് അവസാനിപ്പിച്ചു.
ഇന്ത്യക്ക് വേണ്ടി ഹർഷിത് റാണ 39 റൺസ് വഴങ്ങി നാല് വിക്കറ്റും വാഷിംഗ്ടൺ സുന്ദർ 44 റൺസ് വഴങ്ങി രണ്ട് വിക്കറ്റും വീഴ്ത്തി. View this post on Instagram A post shared by Star Sports India (@starsportsindia) കൂടുതൽ കായിക വാർത്തകൾക്കും വിശേഷങ്ങൾക്കുമായി newskerala.net സന്ദർശിക്കുക FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
