മുംബൈ: ശ്രദ്ധ കപൂറും രാജ്കുമാർ റാവുവും പ്രധാന വേഷത്തില്‍ എത്തുിയ സ്ത്രീ 2 ഒരു മാസത്തിലേറെയായി തീയറ്ററില്‍ നിറഞ്ഞോടുകയാണ്. ഉടൻ തന്നെ കളക്ഷനില്‍ ഒരു പിന്നിലേക്ക് പോക്ക് ചിത്രം കാണിക്കുന്നുമില്ലെന്ന് പറയാം. മുടക്കുമുതലും തീയറ്റര്‍ കളക്ഷനും വച്ച് നോക്കിയാല്‍ അടുത്തകാലത്ത് ബോളിവുഡില്‍ ഇത്തരം ഒരു വിജയം ഒരു ചിത്രവും നേടിയിട്ടില്ല.
600 കോടി എന്ന മാന്ത്രിക സംഖ്യയിലേക്ക് ഇപ്പോള്‍ സ്ത്രീ 2 കുതിക്കുകയാണ്. 579 കോടിയോളം ഇപ്പോള്‍ തന്നെ ബോക്സോഫീസില്‍ ചിത്രം നേടി കഴിഞ്ഞു. വെറും 60 കോടിയില്‍ ഒരുക്കിയ ചിത്രം ഈ വര്‍ഷം ബോളിവുഡിലെ ഏറ്റവും വലിയ വിജയം നേടുകയാണ്.
മഡ്ഡോക്ക് ഫിലിംസിന്‍റെ സൂപ്പര്‍നാച്ചുറല്‍ യൂണിവേഴ്സിലെ ചിത്രമാണ് സ്ത്രീ 2. 2018-ൽ അമർ കൗശിക് സംവിധാനം ചെയ്ത് രാജ്കുമാർ റാവുവും ശ്രദ്ധ കപൂറും അഭിനയിച്ച സ്ത്രീയില്‍ ആരംഭിച്ചതാണ് മഡ്ഡോക്ക് ഫിലിംസിന്‍റെ സൂപ്പര്‍നാച്ചുറല്‍ യൂണിവേഴ്സ്. 2022-ൽ വരുൺ ധവാനും കൃതി സനോണും അഭിനയിച്ച ഭേഡിയ എന്ന ചിത്രത്തിന് ശേഷം. ഫ്രാഞ്ചൈസിലെ അടുത്ത ചിത്രമായി എത്തിയത് മുഞ്ജ്യ എന്ന ചിത്രമാണ്. ഇതും വലിയ വിജയമാണ് അതിന് ശേഷമാണ് ഓഗസ്റ്റ് 15ന് സ്ത്രീ 2 എത്തിയത്.
ഇപ്പോള്‍ ഏതാണ്ട് ഒരു മാസത്തിലേറെയായി തുടരുന്ന സ്ത്രീയുടെ ഒടിടി റിലീസ് സംബന്ധിച്ച വാര്‍ത്തകളും വരുന്നുണ്ട്. ആമസോണ്‍ പ്രൈം വീഡിയോയാണ് ചിത്രത്തിന്‍റെ ഒടിടി അവകാശം സ്വന്തമാക്കിയിരിക്കുന്നത്. നേരത്തെ ചിത്രത്തിന്‍റെ ഒടിടി റിലീസ് സെപ്തംബര്‍ 27ന് ഉണ്ടാകും എന്നാണ് വാര്‍ത്തകള്‍ വന്നത്. പക്ഷെ തീയറ്ററില്‍ ഇപ്പോഴും ഗംഭീര പ്രകടനം നടത്തുന്നതിനാല്‍ ഒടിടി റിലീസ് മാറ്റിവയ്ക്കും എന്നാണ് വിവരം.
ഇതിന് നിര്‍മ്മാതാക്കളും ഒടിടി പ്ലാറ്റ് ഫോമും ധാരണയായിട്ടുണ്ട്. മിക്കവാറും അടുത്ത മാസത്തില്‍ ഒടിടി റിലീസ് പ്രതീക്ഷിക്കാം. ഒക്ടോബറില്‍ പൂജ, ദീപാവലി സീസണ്‍ പ്രമാണിച്ച് സ്ത്രീ 2 ഒടിടിയില്‍ എത്തും എന്നാണ് പുതിയ വിവരം.
ദേവര റിലീസിന് രണ്ട് ദിവസം മാത്രം; ‘നിങ്ങളെക്കാള്‍ ഞാന്‍ വേദനിപ്പിക്കുന്നു’ ജൂനിയര്‍ എന്‍ടിആറിന്‍റെ വീഡിയോ
’10 വയസിന്‍റെ വ്യത്യാസമുള്ള ഭര്‍ത്താവ്’ അന്ന് നേരിട്ടത് ട്രോളുകള്‍; ഒടുവില്‍ ഊര്‍മിള വിവാഹ മോചനത്തിന്
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
