തിരുവനന്തപുരം: പുറ്റിങ്ങൽ ദേവീ ക്ഷേത്ര വെടിക്കെട്ട് അപകടത്തിന്റെ വിചാരണയ്ക്ക് കൊല്ലം പരവൂരിൽ അനുവദിച്ച പ്രത്യേക അഡിഷണൽ ഡിസ്ട്രിക്ട് ആന്റ് സെഷൻസ് കോടതിയിലേക്ക് പുതിയ തസ്തികകൾ അനുവദിക്കാനും തസ്തിക മാറ്റാനും ഇന്ന് ചേർന്ന മന്ത്രിസഭായോഗം അനുമതി നൽകി. ഒരു ഹെഡ് ക്ലർക്ക് തസ്തിക വ്യവസ്ഥയ്ക്ക് വിധേയമായി താൽക്കാലികമായി സൃഷ്ടിക്കും. രണ്ട് ക്ലർക്ക് കം ടൈപ്പിസ്റ്റ് തസ്തികകൾ രണ്ട് എൽഡി ടൈപ്പിസ്റ്റ് തസ്തികകളാക്കും. ഒരു ക്ലർക്ക്, ഒരു എൽഡി ടൈപ്പിസ്റ്റ്, രണ്ട് ഓഫീസ് അറ്റന്റന്റ് തസ്തികകളിലേക്ക് ദിവസ വേതന അടിസ്ഥാനത്തിൽ നിയമനം നടത്താനും തീരുമാനമായി. മന്ത്രിസഭായോഗത്തിലെ മറ്റുതീരുമാനങ്ങൾ അറിയാം.
പേര് മാറ്റം
സ്റ്റോർ പർച്ചേസ് ഡിപ്പാർട്ട്‌മെന്റിന്റെ പേര് പബ്ലിക്ക് പ്രൊക്വയർമെന്റ് അഡ്വൈസറി ഡിപ്പാർട്ട്‌മെന്റ് എന്ന് മാറ്റുന്നതിനാവശ്യമായ ഭേദഗതിക്ക് ഗവർണറുടെ അനുമതി തേടും.
ടെണ്ടർ അംഗീകരിച്ചു
ഇടുക്കി ദേവികുളം നിയോജക മണ്ഡലത്തിലെ മൂന്നാർ പോതമേട് റോഡിൽ ഹെഡ് വർക്ക്സ് ഡാമിന് താഴ്ഭാഗത്ത് പുതിയ പാലം നിർമ്മാണത്തിനുള്ള ടെണ്ടർ അംഗീകരിച്ചു. തിരുവനന്തപുരം പടിഞ്ഞാറ്റുമുക്ക് സ്റ്റേഷൻകടവ് റോഡ് പ്രവൃത്തിക്കുള്ള ടെണ്ടർ അംഗീകരിച്ചു.
ഓർഡിനൻസ്
2017 ലെ കേരള സംസ്ഥാന ചരക്ക് സേവന നികുതി നിയമം, 2024 ലെ കേരള ധനകാര്യ നിയമം, 2008 ലെ കേരള ധനകാര്യ നിയമം എന്നിവ ഭേദഗതി ചെയ്യുന്നതിന് ഉള്ളടക്കം ചെയ്ത 2024 ലെ കേരള നികുതി ചുമത്തൽ നിയമങ്ങൾ (ഭേദഗതി) ഓർഡിനൻസിന്റെ കരട് അംഗീകരിച്ചു. ഓർഡിനൻസ് പുറപ്പെടുവിക്കുന്നതിന് ഗവർണറോട് ശുപാർശ ചെയ്യാനും തീരുമാനിച്ചു.
ധനസഹായവും സൗജന്യ റേഷനും
ആലപ്പുഴ തുറമുഖത്തിലെ 299 തൊഴിലാളികൾക്ക്/ ആശ്രിതർക്ക് ഓരോരുത്തർക്കും 5,250 രൂപ വീതവും രണ്ടാഴ്ചത്തെ സൗജന്യ റേഷൻ നൽകുന്നതിനാവശ്യമായ തുകയും മുഖ്യമന്ത്രിയുടെ ദുരിതാശ്വാസ നിധിയിൽനിന്നും അനുവദിയ്ക്കും. ഓണത്തോടനുബന്ധിച്ച് മുൻവർഷങ്ങളിൽ നൽകിയ രീതിയിലാണിത്.
മുഖ്യമന്ത്രിയുടെ ദുരിതാശ്വാസ നിധിയിൽ നിന്നുള്ള തുക വിതരണം
2024 സെപ്തംബർ 19 മുതൽ 24വരെ മുഖ്യമന്ത്രിയുടെ ദുരിതാശ്വാസനിധിയിൽ നിന്നും 4,53,20,950 രൂപയാണ് വിതരണം ചെയ്തത്. 2153 പേരാണ് വിവിധ ജില്ലകളിൽ നിന്നുള്ള ഗുണഭോക്താക്കൾ.
ജില്ലതിരിച്ചുള്ള വിവരങ്ങൾ-
തിരുവനന്തപുരം 115 പേർക്ക് 24,82,000 രൂപ
കൊല്ലം 429 പേർക്ക് 68,43,000 രൂപ
പത്തനംതിട്ട 8 പേർക്ക് 2,88,000 രൂപ
ആലപ്പുഴ 190 പേർക്ക് 33,33,000 രൂപ
കോട്ടയം 34 പേർക്ക് 9,22,000 രൂപ
ഇടുക്കി 85 പേർക്ക് 11,18,000 രൂപ
എറണാകുളം 255 പേർക്ക് 41,92,500 രൂപ
തൃശ്ശൂർ 249 പേർക്ക് 61,45,450 രൂപ
പാലക്കാട് 161 പേർക്ക് 35,48,000 രൂപ
മലപ്പുറം 204 പേർക്ക് 66,62,000 രൂപ
കോഴിക്കോട് 184 പേർക്ക് 30,33,000 രൂപ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
വയനാട് 9 പേർക്ക് 1,78,000 രൂപ
കണ്ണൂർ 16 പേർക്ക് 8,08,000 രൂപ
കാസർകോട് 214 പേർക്ക് 57,68,000 രൂപ എന്നിങ്ങനെയാണ് വിതരണം ചെയ്തത്.
