നാഷനൽ ഹെറാൾഡ് കേസ്: ഇ.ഡിക്ക് തിരിച്ചടി; ‘ആവശ്യമായ രേഖകൾ ഹാജരാക്കാതെ നോട്ടിസ് അയയ്ക്കില്ല’
ന്യൂഡൽഹി∙ നാഷനൽ ഹെറാൾഡ് കേസിൽ എൻഫോഴ്സ്മെന്റ് ഡയറക്ടറേറ്റിന് (ഇ.ഡി) തിരിച്ചടി. കള്ളപ്പണം വെളുപ്പിക്കൽ കേസിൽ കോൺഗ്രസ് നേതാക്കളായ സോണിയ ഗാന്ധിക്കും രാഹുൽ ഗാന്ധിക്കും നോട്ടിസ് അയയ്ക്കാൻ ഡൽഹി റോസ് അവന്യു കോടതി വിസമ്മതിച്ചു.
ആവശ്യമായ രേഖകളെല്ലാം ഹാജരാക്കണമെന്നു സ്പെഷൽ ജ‍ഡ്‌ജ് വിശാൽ ഗോഗ്നെ ഇ.ഡിയോട് ആവശ്യപ്പെട്ടു.
ഉത്തരവ് നീട്ടിക്കൊണ്ടുപോകുന്നതിനു താൽപര്യമില്ലെന്നും നോട്ടിസ് പുറപ്പെടുവിക്കണം എന്നുമായിരുന്നു ഇ.ഡിയുടെ ആവശ്യം.
എന്നാൽ നോട്ടിസ് പുറപ്പെടുവിക്കുന്നതിനു മുൻപ് എന്തെങ്കിലും ന്യൂനതകളുണ്ടോയെന്നു പരിശോധിക്കേണ്ടതുണ്ടെന്നു കോടതി വ്യക്തമാക്കി. കുറ്റപത്രത്തിൽ ചില രേഖകളില്ലെന്നും അവ ഇ.ഡി ഹാജരാക്കണമെന്നും അതിനു പിന്നാലെ നോട്ടിസ് നൽകുന്നതിൽ തീരുമാനമെടുക്കുമെന്നും കോടതി വ്യക്തമാക്കി. മേയ് രണ്ടിന് കേസ് കോടതി വീണ്ടും പരിഗണിക്കും.
കേസിൽ സോണിയ ഗാന്ധിയ്ക്കും രാഹുൽ ഗാന്ധിക്കുമെതിരെ ഏപ്രിൽ 15ന് ഇ.ഡി കുറ്റപത്രം സമർപ്പിച്ചിരുന്നു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
