പുതിയൊരു കാർ വാങ്ങാൻ പദ്ധതിയിടുന്നുണ്ടെങ്കിൽ, കുറച്ചുകൂടി കാത്തിരിക്കുന്നതാകും ഉചിതം. കാരണം ഇന്ത്യയിലെ ഏറ്റവും വലിയ വാഹന നിർമ്മാതാക്കളായ മാരുതി സുസുക്കി അടുത്ത രണ്ട് വർഷത്തിനുള്ളിൽ ആവേശകരമായ നിരവധി ഉൽപ്പന്നങ്ങൾ പുറത്തിറക്കാൻ ഒരുങ്ങുകയാണ്. ഇതിൽ ഇന്ധനക്ഷമതയുള്ള ഹൈബ്രിഡ് എസ്‌യുവികൾ മുതൽ പരിസ്ഥിതി സൗഹൃദ ഇലക്ട്രിക് വാഹനങ്ങളും ബെസ്റ്റ് സെല്ലറുകളുടെ പുതിയ മോഡലുകളുമൊക്കെ ഉൾപ്പെടും. ഇന്ത്യയിൽ വരാനിരിക്കുന്ന മികച്ച മാരുതി കാറുകളുടെ പ്രധാന വിശദാംശങ്ങൾ അറിയാം.
മാരുതി ഗ്രാൻഡ് വിറ്റാര 7-സീറ്റർ
2025 ന്റെ രണ്ടാം പകുതിയിൽ മാരുതി സുസുക്കി ഗ്രാൻഡ് വിറ്റാര എസ്‌യുവിയുടെ മൂന്ന് നിര പതിപ്പ് അവതരിപ്പിക്കും. ഈ 7 സീറ്റർ എസ്‌യുവി അതിന്റെ ഡോണർ പതിപ്പിനേക്കാൾ നീളമുള്ളതായിരിക്കും. അധിക സീറ്റുകളുടെ ഒരു നിരയും ഇതിൽ ഉൾപ്പെടുന്നു. 5 സീറ്റർ പതിപ്പിൽ നിന്ന് വ്യത്യസ്തമായി, മാരുതി ഗ്രാൻഡ് വിറ്റാര 7 സീറ്റർ ലെവൽ 2 ADAS സ്യൂട്ടും ചില അധിക ഫീച്ചറുകളും വാഗ്ദാനം ചെയ്യും. 5 സീറ്റർ ഗ്രാൻഡ് വിറ്റാരയിൽ നിന്ന് 1.5 ലിറ്റർ മൈൽഡ്, സ്ട്രോങ്ങ് ഹൈബ്രിഡ് പവർട്രെയിനുകൾ ഇത് കടമെടുക്കും.
മാരുതി ഇലക്ട്രിക്ക് വിറ്റാര
മാരുതി സുസുക്കിയിൽ നിന്നുള്ള ആദ്യത്തെ ഇലക്ട്രിക് ഓഫറായിരിക്കും മാരുതി സുസുക്കി ഇ വിറ്റാര. വരും ആഴ്ചകളിൽ ഇത് പുറത്തിറങ്ങും. തിരഞ്ഞെടുത്ത നെക്സ ഡീലർഷിപ്പുകളിൽ ഈ ഇവിയുടെ അനൗദ്യോഗിക ബുക്കിംഗുകൾ ഇതിനകം തന്നെ ആരംഭിച്ചിട്ടുണ്ട്. ഇ വിറ്റാരയുടെ പവർട്രെയിൻ സജ്ജീകരണത്തിൽ രണ്ട് ബാറ്ററി പായ്ക്ക് ഓപ്ഷനുകൾ ഉൾപ്പെടും. 500 കിലോമീറ്ററിലധികം എംഐഡിസി റേറ്റഡ് റേഞ്ച് ഈ ഇവി വാഗ്ദാനം ചെയ്യുമെന്ന് മാരുതി സുസുക്കി സ്ഥിരീകരിച്ചു.
മാരുതി ഫ്രോങ്ക്സ് ഹൈബ്രിഡ്
വരാനിരിക്കുന്ന മാരുതി സുസുക്കി കാറുകളുടെ പട്ടികയിൽ അടുത്തത് ഫ്രോങ്ക്സ് ഹൈബ്രിഡ് ആണ്. ഈ കോംപാക്റ്റ് ക്രോസോവർ 2026 ൽ മാരുതി സുസുക്കി സ്വന്തമായി വികസിപ്പിച്ചെടുത്ത ശക്തമായ ഹൈബ്രിഡ് പവർട്രെയിനിന്റെ അരങ്ങേറ്റം കുറിക്കും. സ്വിഫ്റ്റിന്റെ 1.2 ലിറ്റർ Z12E പെട്രോൾ എഞ്ചിനുമായി ഒരു സീരീസ് ഹൈബ്രിഡ് സിസ്റ്റവുമായി ജോടിയാക്കിയിരിക്കാനാണ് സാധ്യത. മാരുതി ഫ്രോങ്ക്സ് ഹൈബ്രിഡ് 35 കിലോമീറ്ററിൽ കൂടുതൽ ഇന്ധനക്ഷമത നൽകും. അതിന്റെ സാധാരണ പെട്രോൾ എതിരാളിയുമായി താരതമ്യപ്പെടുത്തുമ്പോൾ, ഹൈബ്രിഡ് പതിപ്പ് കൂടുതൽ ചെലവേറിയതായിരിക്കും.
പുതുതലമുറ മാരുതി ബലേനോ
2026-ൽ മാരുതി ബലേനോ ഹാച്ച്ബാക്കിന് ഒരു തലമുറ മാറ്റം സംഭവിക്കും. മാരുതി സുസുക്കി സ്വന്തമായി വികസിപ്പിച്ചെടുത്ത സ്ട്രോംഗ് ഹൈബ്രിഡ് പവർട്രെയിനുമായിട്ടായിരിക്കും പുതിയ മോഡൽ പുറത്തിറങ്ങുക. ഫ്രോങ്ക്സ് ഹൈബ്രിഡിന് സമാനമായി, സ്ട്രോങ് ഹൈബ്രിഡ് സാങ്കേതികവിദ്യയുമായി ജോടിയാക്കിയ 1.2L Z-സീരീസ് പെട്രോൾ എഞ്ചിനും ഇത് വാഗ്ദാനം ചെയ്തേക്കാം. നിലവിലുള്ള 1.2L പെട്രോൾ, സിഎൻജി ഇന്ധന ഓപ്ഷനുകൾ 2026 മാരുതി ബലേനോയിലും തുടരും. ഹാച്ച്ബാക്കിന് സമഗ്രമായ ഡിസൈൻ മാറ്റങ്ങളും ഫീച്ചർ അപ്‌ഗ്രേഡുകളും ലഭിച്ചേക്കാം. എങ്കിലും കൂടുതൽ വിശദാംശങ്ങൾ ഇതുവരെ വെളിപ്പെടുത്തിയിട്ടില്ല.
മാരുതി ഇലക്ട്രിക് ഹാച്ച്ബാക്ക്
ഇന്ത്യയിൽ വരാനിരിക്കുന്ന മറ്റൊരു മാരുതി കാറാണ് ഇലക്ട്രിക് ഹാച്ച്ബാക്ക്. ഇത് സുസുക്കി eWX ആശയത്തെ അടിസ്ഥാനമാക്കിയുള്ളതായിരിക്കാനാണ് സാധ്യത. ടാറ്റ ടിയാഗോ ഇവിയുടെ താങ്ങാനാവുന്ന വിലയിൽ ഇലക്ട്രിക് എതിരാളിയായി ഇത് വരും. ഈ പുതിയ മാരുതി ഇലക്ട്രിക് ഹാച്ച്ബാക്കിൽ ഒരു ചെറിയ ശേഷിയുള്ള ബാറ്ററി പായ്ക്ക് ഉണ്ടായിരിക്കാം എന്നാണ് റിപ്പോ‍ട്ടുകൾ.
മാരുതി കോംപാക്റ്റ് എംപിവി
ജാപ്പനീസ് വിപണിയിൽ വിൽക്കുന്ന സ്‌പേസിയയെ അടിസ്ഥാനമാക്കിയുള്ള ഒരു സബ്‌കോംപാക്റ്റ് എംപിവി അവതരിപ്പിക്കാൻ മാരുതി സുസുക്കി പദ്ധതിയിടുന്നു. റെനോ ട്രൈബർ, മാരുതി എർട്ടിഗ, നിസാന്‍റെ വരാനിരിക്കുന്ന കോംപാക്റ്റ് എംപിവി എന്നിവയ്ക്ക് ഇത് നേരിട്ടുള്ള എതിരാളി ആയിരിക്കും. നിലവിൽ, പവർട്രെയിൻ വിശദാംശങ്ങൾ ലഭ്യമല്ല. ജപ്പാനിൽ, സുസുക്കി സ്‌പേസിയ 660 സിസി എഞ്ചിനിലാണ് വാഗ്ദാനം ചെയ്യുന്നത്. ഇന്ത്യയിൽ, സ്വിഫ്റ്റ് ഹാച്ച്ബാക്കുമായി 1.2L Z-സീരീസ് പെട്രോൾ എഞ്ചിൻ പങ്കിടുന്നതായിട്ടാണ് റിപ്പോർട്ടുകൾ.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
