റിയാദ്: ഉംറ നിർവഹിക്കാനെത്തിയ തൊടുപുഴ പട്ടയംകവല ആർപ്പാമറ്റം സ്വദേശി പാറാംതോടൻ പി.എച്ച്. ഹംസ (68) ഹൃദയാഘാതം മൂലം മക്കയിൽ നിര്യാതനായി. ഭാര്യ: സുബൈദ. മക്കൾ: മുഹമ്മദ് അലി, നൗഷാദ്. മരുമക്കൾ: ഷിബിന, ഷക്കീല. മക്കയിൽ ഖബറടക്കി.
അതേസമയം, കഴിഞ്ഞ ദിവസം, സ്വകാര്യ ഗ്രൂപ്പിൽ ഉംറ തീർഥാടനത്തിനെതിയ മലയാളി വയോധിക മദീനയിൽ മരിച്ചിരുന്നു. മലപ്പുറം തിരൂർ അയ്യായ വെള്ളച്ചാൽ നെച്ചിക്കാട്ട് മുഹമ്മദ് കുട്ടിയുടെ ഭാര്യ മേലേത്ത് നഫീസ (62) യാണ് തിങ്കളാഴ്ച മരിച്ചത്. ഭർത്താവും മകളുമൊത്ത് ഈ മാസം 12 നാണ് ഇവർ ഉംറക്കെത്തിയത്.
ഉംറ പൂർത്തിയാക്കി മദീന സന്ദർശനവേളയിൽ തിങ്കളാഴ്ച വൈകീട്ട് അസ്വസ്ഥത അനുഭവപ്പെട്ട നഫീസയെ ആശുപത്രിയിൽ പ്രവേശിപ്പിച്ചുവെങ്കിലും മരിക്കുകയായിരുന്നു. പിതാവ്: പരേതനായ മേലേതിൽ മുഹമ്മദ്, മാതാവ്: പരേതയായ ബീക്കുട്ടി, മക്കൾ: യാസിർ (ദുബായ്), ബുർഹാർ (ഖത്തർ ), ഫിദ, മരുമക്കൾ: ഉമൈബ, ഫാരിസ, മുനീബ് താനാളൂർ, സഹോദരങ്ങൾ: അബ്ദുറഹ്മാൻ, അബ്ദുസുബ്ഹാൻ, റസിയ.
Last Updated Feb 24, 2024, 6:14 PM IST
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
