മുംബൈ: ഏഷ്യാ കപ്പ് ക്രിക്കറ്റിന് മുമ്പ് ഇന്ത്യൻ ക്രിക്കറ്റ് ടീമിന് തിരിച്ചടിയായി ടീമിന്‍റെ പ്രധാന ജേഴ്സി സ്പോണ്‍സര്‍മാരായ ഡ്രീം ഇലവന്‍റെ പിന്‍മാറ്റം. പണം നിക്ഷേപിച്ച് കളിക്കുന്ന ഓണ്‍ ലൈന്‍ ഗെയിമുകള്‍ക്ക് നിരോധനം ഏര്‍പ്പെടുത്തിക്കൊണ്ടുള്ള കേന്ദ്രസര്‍ക്കാരിന്‍റെ പുതിയ നിയമനിര്‍മാണത്തെതുടര്‍ന്നാണ് ഡ്രീം ഇലവന്‍ ഇന്ത്യൻ ടീമിന്‍റെ പ്രധാന സ്പോണ്‍സര്‍ സ്ഥാനത്തുനിന്ന് പിന്‍മാറിയത്.
ഇതോടെ ഏഷ്യാ കപ്പിന് മുമ്പ് ടീമന്‍റെ ജേഴ്സി സ്പോൺസറെ കണ്ടെത്തേണ്ട അവസ്ഥയിലാണ് ബിസിസിഐ.
ഏഷ്യാ കപ്പിന് മുമ്പ് ജേഴ്സി സ്പോണ്‍സറെ കണ്ടെത്താനായില്ലെങ്കില്‍ താല്‍ക്കാലിക സ്പോണ്‍സറുടെ ജേഴ്സിയുമായി ടൂര്‍ണമെന്‍റിനിറങ്ങാനും അതിനുശേഷം വിശദമായ ചര്‍ച്ചകള്‍ക്കും ബിഡ്ഡിംഗിനും ശേഷം ജേഴ്സി സ്പോണ്‍സറെ കണ്ടെത്താനും ബിസിസിഐ ആലോചിക്കുന്നുണ്ട്. കടുത്ത മത്സരം ഇന്ത്യൻ ടീമിന്‍റെ പ്രധാന സ്പോണ്‍സര്‍മാരാവാന്‍ കടുത്ത മത്സരം തന്നെ നടക്കുമെന്നാണ് ബിസിസിഐ കരുതുന്നത്.
ഇതിലൂടെ കോടികളുടെ വരുമാനമാണ് ബിസിസിഐ പ്രതീക്ഷിക്കുന്നത്. ധനകാര്യ സ്ഥാപനങ്ങനങ്ങളായ ഗ്രോ, ഏയ്ഞ്ചല്‍ വണ്‍, സെറോധ എന്നിവക്ക് പുറമെ ഓട്ടോമൊബൈല്‍ രംഗത്തെ വമ്പന്‍മാരും ഐപിഎല്ലില്ലിന്‍റെ ടൈറ്റില്‍ സ്പോണ്‍സറായ ടാറ്റയും മുകേഷ് അംബാനിയുടെ റിലയന്‍സ് ഇന്‍ഡസ്ട്രീസും ഗൗതം അദാനിയുടെ അദാനി ഗ്രൂപ്പും സ്പോണ്‍സര്‍ഷിപ്പ് കരാറിന് താല്‍പര്യം അറിയിച്ചിട്ടുണ്ടെന്നാണ് റിപ്പോര്‍ട്ടുകള്‍.
സെപ്റ്റംബര്‍ ഒമ്പതിനാണ് ഏഷ്യാ കപ്പ് തുടങ്ങുന്നത് എന്നതിനാല്‍ അതിന് മുമ്പ് പുതിയ സ്പോണ്‍സറെ കണ്ടെത്തുക ബിസിസിഐയെ സംബന്ധിച്ച് പ്രയാസമാകും. ജേഴ്സി സ്പോൺസര്‍ വാഴാത്ത ടീം ഇന്ത്യ 2023ലാണ് ഡ്രീം ഇലവന്‍ ഇന്ത്യൻ ടീമിന്‍റെ പ്രധാന ജേഴ്സി സ്പോണ്‍സറായത്.
മൂന്ന് വര്‍ഷഷത്തേക്കായിരുന്നു കരാര്‍. പുതിയ നിയമം പാസാക്കിയതോടെ ഇന്ത്യൻ ടീമിന്‍റെ സ്പോണ്‍സര്‍ഷിപ്പില്‍ നിന്നും പിന്‍മാറുകയാണെന്ന് ഡ്രീം ഇലവന്‍ വ്യക്തമാക്കിയിരുന്നു.
ഇതാദ്യമായല്ല ഇന്ത്യൻ ടീമ്ന്‍റെ ജേഴ്സി സ്പോണ്‍സര്‍ഷിപ്പ് നിയമക്കുരുക്കില്‍ പെടുന്നത്. 2001 മുതല്‍ 2013വരെ ഇന്ത്യയുടെ ജേഴ്സി സ്പോണ്‍സര്‍മാരായ സഹാറ ഗ്രൂപ്പിനെ സെബി സാമ്പത്തികകുറ്റങ്ങൾക്ക് വിലക്കിയതിനെത്തുടര്‍ന്ന് അവരെ സ്പോണ്‍സര്‍ സ്ഥാനത്തു നിന്ന് മാറ്റേണ്ടിവന്നു. പിന്നീട് സ്റ്റാര്‍ സ്പോര്‍ട്സ് ആയിരുന്നു 2013 മുതല്‍ 2017വരെ ഇന്ത്യയുടെ പ്രധാന ജേഴ്സി സ്പോണ്‍സര്‍.
എന്നാല്‍ കോംപിറ്റേഷന്‍ കമ്മീഷന്‍ അന്വേഷണത്തെത്തുടര്‍ന്ന് അവരെയും മാറ്റാന്‍ ബിസിസിഐ നിര്‍ബന്ധിതരായി. പിന്നീട് ഒപ്പോ 2017 മുതല്‍ 2020വരെ സ്പോണ്‍സര്‍മാരായി.
പിന്നീട് 2020ല്‍ വന്ന ബൈജൂസ് ആകട്ടെ സാമ്പത്തിക ക്രമക്കേടിനെത്തുടര്‍ന്ന് കടക്കെണിയിലാകുകയും ബിസിിസഐയുമായി കേസ് നടത്തുകയുമാണിപ്പോള്‍. ഇതിന് പിന്നാലെയാണ് ഡ്രീം ഇലവനും സ്പോണ്‍സര്‍ സ്ഥാനത്തുനിന്ന് പിന്‍മാറിയത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
