ഭീകരവാദത്തിനെതിരെ ഇരട്ടത്താപ്പ് വേണ്ട, വേണ്ടത് സമ്പൂർണ്ണ ഐക്യം: പ്രധാനമന്ത്രി നരേന്ദ്ര മോദി

ദില്ലി: ഭീകരവാദത്തിനെതിരായ പോരാട്ടത്തിൽ വിട്ടുവീഴ്ചയില്ലാത്ത സമീപനം വേണമെന്ന് പ്രധാനമന്ത്രി നരേന്ദ്ര മോദി. ജി20 ഉച്ചകോടിയുടെ ഭാഗമായി നടന്ന ഇന്ത്യ-ബ്രസീൽ-ദക്ഷിണാഫ്രിക്ക (ഇബ്സ) യോഗത്തിൽ സംസാരിക്കവെ, ഭീകരവാദത്തെ ലോകരാജ്യങ്ങൾ ഒറ്റക്കെട്ടായി നേരിടണമെന്നും ഇക്കാര്യത്തിൽ ഇരട്ടത്താപ്പ് പാടില്ലെന്നും അദ്ദേഹം ആവശ്യപ്പെട്ടു.

ഐക്യരാഷ്ട്രസഭയുടെ രക്ഷാസമിതിയിൽ കാലോചിതമായ പരിഷ്കാരങ്ങൾ അനിവാര്യമാണെന്ന ആവശ്യം പ്രധാനമന്ത്രി വീണ്ടും ഉന്നയിച്ചു. യുഎൻ ഉൾപ്പെടെയുള്ള ആഗോള സ്ഥാപനങ്ങളുടെ പ്രവർത്തനം 21-ാം നൂറ്റാണ്ടിലെ യാഥാർത്ഥ്യങ്ങളുമായി പൊരുത്തപ്പെടുന്നില്ലെന്നും അദ്ദേഹം ചൂണ്ടിക്കാട്ടി.

ബ്രസീൽ, ദക്ഷിണാഫ്രിക്ക എന്നീ രാജ്യങ്ങളുമായി സാങ്കേതികവിദ്യ കൈമാറ്റത്തിന് ഒരു പൊതു സംവിധാനം വേണമെന്നും അദ്ദേഹം നിർദ്ദേശിച്ചു. അടുത്ത വർഷം ഇന്ത്യയിൽ നടക്കുന്ന എഐ ഇംപാക്ട് ഉച്ചകോടിയിലേക്ക് അദ്ദേഹം നേതാക്കളെ ക്ഷണിക്കുകയും ചെയ്തു.

FacebookTwitterWhatsAppTelegram