ഹമൂൺ ചുഴലികാറ്റ്. സംസ്ഥാനത്ത് ഒറ്റപ്പെട്ടതും ശക്തവുമായ മഴക്കു സാധ്യത. എട്ട് ജില്ലകളിൽ ഇന്ന് യെല്ലോ അലേർട്ട്.Isolated and heavy rain is likely in the state. Yellow alert in eight districts today.

തിരുവനന്തപുരം: സംസ്ഥാനത്ത് ഇന്നും പരക്കെ മഴക്ക് സാധ്യത എന്ന് കാലാവസ്ഥാ വകുപ്പ്. ഒറ്റപ്പെട്ടതും ശക്തവുമായ മഴക്കാണ് ഇന്ന് സാധ്യത. അതിനാൽ എട്ട് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിരിക്കുകയാണ്. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട് എന്നീ എട്ടു ജില്ലകളിലാണ് ഇന്ന് യെല്ലോ അലർട്ട് പ്രഖ്യാപിച്ചിരിക്കുന്നത്.

ഉച്ചയ്ക്ക് ശേഷം ഇടിയോട് കൂടിയ മഴയ്ക്കും സാധ്യതയുണ്ടെന്നും മലയോര മേഖലകളിലാണ് കൂടുതൽ മഴയ്ക്ക് സാധ്യതയെന്നും കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചു.

അതിതീവ്ര ന്യൂനമർദ്ദ ത്തിന്റെ പശ്ചാത്തലത്തിൽ ബംഗാൾ ഉൾക്കടലിൽ  ഹമൂൺ ചുഴലിക്കാറ്റ് രൂപപ്പെടും എന്നും കേരളത്തെ ബാധിക്കാൻ സാധ്യത ഇല്ലെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.