.news-body p a {width: auto;float: none;}
സ്വന്തം കുഞ്ഞ് വേണമെന്ന് ആഗ്രഹിക്കാത്ത ദമ്പതികൾ വളരെ ചുരുക്കമാണ്. എന്നാൽ, പല തരത്തിലുള്ള ആരോഗ്യ പ്രശ്നങ്ങൾ കാരണം വന്ധ്യത അനുഭവിക്കുന്ന ധാരാളംപേരുണ്ട്. ഇതിനായി ചികിത്സിച്ചിട്ടും ഫലം ലഭിക്കാത്ത നിരവധി ദമ്പതികളുണ്ട്. ഇതിനെല്ലാം പരിപാരം എന്ന നിലയിൽ ധാരാളം വീഡിയോകൾ സമൂഹ മാദ്ധ്യമങ്ങളിൽ പ്രചരിക്കാറുണ്ട്. അത്തരത്തിൽ ഒരു വീഡിയോ ആണ് ഇപ്പോൾ ശ്രദ്ധനേടിക്കൊണ്ടിരിക്കുന്നത്.
ജലദോഷത്തിനും അതിന്റെ ലക്ഷണങ്ങൾക്കുമായി ഉപയോഗിക്കുന്ന മ്യൂസിനെക്സ് (Mucinex) എന്ന മരുന്ന് അല്ലെങ്കിൽ അതിലെ സജീവ ഘടകമായ ഗൈഫെനെസിൻ അടങ്ങിയ മരുന്ന് കഴിച്ചാൽ എളുപ്പത്തിൽ ഗർഭധാരണം നടക്കുമെന്നാണ് അനുഭവസ്ഥരായ സ്ത്രീകൾ സമൂഹ മാദ്ധ്യമങ്ങളിൽ പറയുന്നത്.
ജലദോഷത്തിന്റെ മരുന്ന് എങ്ങനെ ഗർഭധാരണത്തിന് സഹായിക്കും?
ലൈംഗിക ബന്ധത്തിലേർപ്പെടുമ്പോൾ ബിജം യോനിയിൽ എത്തുകയും അവിടെ നിന്ന് സെർവിക്സിലൂടെ കടന്നുപോയി അണ്ഡവുമായി സംയോജിച്ചാണ് ഭ്രൂണം ഉണ്ടാവുന്നത്. അത് പിന്നീട് വളർന്ന് ഗർഭസ്ഥ ശിശുവാകുന്നു. ഇങ്ങനെയാണ് സാധാരണ രീതിയിൽ ഗർഭധാരണം നടക്കുന്നത്. എന്നാൽ, സ്ത്രീയുടെ ആർത്തവ ചക്രവുമായി ബന്ധപ്പെട്ട പ്രശ്നങ്ങളോ പുരുഷ ബീജത്തിലുണ്ടാകുന്ന പ്രശ്നങ്ങളോ കാരണം ഇതേ രീതിയിൽ സംഭവിക്കണമെന്നില്ല. ഇങ്ങനെ പല തരത്തിലുള്ള പ്രശ്നങ്ങൾ ഉണ്ടാവുന്നതാണ് വന്ധ്യതയ്ക്ക് കാരണമാകുന്നത്.
മാത്രമല്ല, ബീജം അണ്ഡത്തിനരികിലെത്തുന്നത് തടയുന്നതിൽ സ്ത്രീ ശരീരത്തിലെ സെർവിക്കൽ മ്യൂക്കസ് (കട്ടിയുള്ള ദ്രാവകം) പലപ്പോഴും കാരണമാകുന്നു. യോനിയിൽ കാണപ്പെടുന്ന ഈ മ്യൂക്കസ് പലപ്പോഴും പല രൂപത്തിലായിരിക്കും. നിങ്ങളുടെ ആർത്തവ ചക്രം അനുസരിച്ചാകും ഇതിന്റെ രൂപത്തിൽ മാറ്റം വരിക. നല്ല കട്ടിയുണ്ടെങ്കിൽ ആ സമയത്ത് ഗർഭധാരണം നടക്കാൻ ബുദ്ധിമുട്ടായിരിക്കും. കാരണം ഇത് ബീജത്തെ ഉള്ളിലേക്ക് കടത്തിവിടുന്നത് തടയും.
എന്നാൽ, ഈ സമയത്ത് ജലദോഷത്തിനുള്ള മരുന്ന് കഴിച്ചാൽ, സെർവിക്കൽ മ്യൂക്കസ് നേർത്ത രൂപത്തിലാകും. ഇത് ഗർഭധാരണം എളുപ്പത്തിലാക്കാൻ സഹായിക്കും. കൂടാതെ ചില ഫെർട്ടിലിറ്റി ട്രാക്കിംഗ് ആപ്പുകളും സെർവിക്കൽ മ്യൂക്കസുമായി ബന്ധപ്പെട്ട സംശയങ്ങൾ മാറ്റാനായി ഉപയോഗിക്കാവുന്നതാണ്. സ്വന്തം ശരീരത്തിലെ മാറ്റങ്ങൾ തിരച്ചറിയാൻ സാധിച്ചാൽ തന്നെ ഗർഭധാരണം എളുപ്പമാക്കാൻ സാധിക്കുന്നതാണ്.
ശരിക്കും സംഭവിക്കുമോ?
മ്യൂസിനെക്സിന് ഗർബധാരണത്തെ സഹായിക്കാൻ സാധിക്കുമെന്നതിന് ശാസ്ത്രീയമായ തെളിവുകളൊന്നും തന്നെയില്ല. 1982ൽ ഫെർട്ടിലിറ്റി ആൻഡ് സ്റ്റെറിലിറ്റി എന്ന ജേണലിൽ പ്രസിദ്ധീകരിച്ച ഒരു പഠനമുണ്ട്. അതിൽ 40 ദമ്പതികളെ വച്ചാണ് പഠനം നടത്തിയിരിക്കുന്നത്. അതിൽ വന്ധ്യതയെ സെർവിക്സുമായി ബന്ധപ്പെട്ട പ്രശ്നം എന്നാണ് നിർവചിച്ചിരിക്കുന്നത്.
പഠനത്തിൽ പങ്കെടുത്ത സ്ത്രീകൾക്ക് അവരുടെ ആർത്തവചക്രത്തിന്റെ അഞ്ചാം ദിവസം മുതൽ മൂന്ന് നേരം, 200 മില്ലിഗ്രാം ഗൈഫെനെസിൻ നൽകി. 40ൽ 15 പേർ ഗർഭിണികളായി. ഇത് ഗൈഫെനെസിൻ ഉപയോഗം കാരണമാകാമെന്നാണ് പഠനത്തിന്റെ നിഗമനങ്ങളിൽ പറഞ്ഞിരിക്കുന്നത്. എന്നാൽ, ഗർഭധാരണത്തിന് ഗൈഫെനെസിൻ മാത്രമാണ് കാരണമെന്ന് ആരോപിക്കാനും കഴിയില്ല.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
മറ്റൊരു പഠനത്തിൽ, 600 മില്ലിഗ്രാം ഗൈഫെനെസിൻ ദിവസം രണ്ടുതവണ കഴിച്ചയാളിൽ ബീജ ഉൽപ്പാദനവും ചലനശേഷിയും ഗണ്യമായി വർദ്ധിച്ചതായി കണ്ടെത്തി. എന്നാൽ, ഈ പഠനത്തിൽ പങ്കെടുത്ത പുരുഷന് 32 വയസ് മാത്രമേ ഉണ്ടായിരുന്നുള്ളു. അതിനാൽ, ഗൈഫെനെസിൻ മാത്രമാണ് ഇതിന് കാരണമെന്ന് അവിടെയും സ്ഥിരീകരിക്കാൻ സാധിച്ചില്ല. മ്യൂസിനെക്സിന്റെ നിർമാതാക്കളായ റെക്കിറ്റ് ഒരു പ്രസ്താവന ഇറക്കിയിരുന്നു. അതിൽ പറയുന്നത്, ഈ മരുന്ന് ലേബൽ നിർദേശങ്ങൾക്ക് അനുസൃതമായി മാത്രം കഴിക്കണം എന്നാണ്.
പാർശ്വഫലങ്ങൾ
മതിയായ തെളിവുകളൊന്നും ഇല്ലാത്തതിനാൽ, ശരീരത്തിന് ആവശ്യമില്ലാത്ത അളവിൽ മരുന്നുകൾ കഴിക്കുന്നത് മറ്റ് ആരോഗ്യ പ്രശ്നങ്ങളിലേക്ക് നയിക്കും. അതിനാൽ, ഗർഭിണിയാകാൻ ബുദ്ധിമുട്ടുണ്ടാവുകയാണെങ്കിൽ എത്രയും വേഗം ഒരു ഡോക്ടറെ കണ്ട് മികച്ച പരിഹാരം തേടേണ്ടതാണ്.