തിരുവനന്തപുരം: ചെങ്ങന്നൂരിൽ അധിക സ്റ്റോപ്പ് അനുവദിച്ചതിനെ തുടർന്ന് സമയ ക്രമത്തിൽ മാറ്റം വരുത്തി റെയിൽവേ. തിരുവനന്തപുരം – കാസർഗോഡ് സർവീസ് നടത്തുന്ന വന്ദേ ഭാരതിന്‍റെ സമയക്രമത്തിൽ ആണ് മാറ്റം വരുത്തിയത്.
സാധാരണ പുറപ്പെടുന്ന സമയത്തിന് അഞ്ച് മിനിറ്റ് മുൻപ് തിരുവനന്തപുരത്ത് നിന്ന് ട്രെയിൻ പുറപ്പെടും. ചെങ്ങന്നൂരിൽ സ്റ്റോപ്പ് അനുവദിച്ചതിനൊപ്പം തൃശൂരിൽ അധിക സമയം നിർത്താനും തീരുമാനമായിട്ടുണ്ട്. പുതിയ സമയക്രമം നാളെ മുതൽ നിലവിൽ വരും.
രാവിലെ 5.20ന് തിരുവനന്തപുരത്ത് നിന്ന് പുറപ്പെട്ടിരുന്നത്. എന്നാൽ ഇനി മുതൽ രാവിലെ 5.15 നാണ് സർവീസ് തുടങ്ങുക. 6.03 ന് കൊല്ലത്തും 6.53 ന് ചെങ്ങന്നൂരിൽ എത്തുന്നതായിരിക്കും. രണ്ട് മിനിറ്റിന് ശേഷം ആണ് ഈ സ്റ്റേഷനിൽ നിന്ന് യാത്ര തിരിക്കുക.
കോട്ടയത്തും എറണാകുളത്തും സാധാരണ സമയം പാലിക്കും. എന്നാൽ 9.30 ന് തന്നെ ട്രെയിൻ തൃശൂരിൽ എത്തുമെങ്കിലും ഒരു മിനിറ്റ് കൂടി നിർത്തിയ ശേഷം 9.33 പുറപ്പെടും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
