യുഎഇയിലെ ഇൻഡസ്ട്രിയല്‍ മേഖലയിൽ പുരുഷ നഴ്‌സുമാരുടെ നിയമനത്തിന് അപേക്ഷ ക്ഷണിച്ചു ; എല്ലാ ആനുകൂല്യങ്ങളും ഉൾപ്പെടെ 5000 ദിർഹമാണ് ശമ്പളം, ഉടൻ ജോലിയിൽ പ്രവേശിക്കാൻ കഴിയുന്നവർക്ക് മുൻഗണന
തിരുവനന്തപുരം: യുഎഇയിലെ ഇൻഡസ്ട്രിയല്‍ മേഖലയിലേക്ക് പുരുഷ നഴ്‌സുമാരുടെ നിയമനത്തിന് അപേക്ഷ ക്ഷണിച്ചു.
നിലവിലുള്ള 80 ഒഴിവുകളിലേക്കാണ് നിയമനം. കേരള സർക്കാർ സ്ഥാപനമായ ഒഡെപെക് മുഖേന സൗജന്യ നിയമനമാണ് നടത്തുന്നത്. 40 വയസ്സില്‍ താഴെയാണ് പ്രായ പരിധി. ഉഛഒ ലൈസെൻസ് ഉള്ളവർക്ക് മുൻഗണന ലഭിക്കും. ഉടൻ ജോലിയില്‍ പ്രവേശിക്കാൻ കഴിയുന്നവർക്കും മുൻഗണനയുണ്ട്.
നഴ്‌സിങ് ബിരുദവും ഐ.സി.യു, എമർജൻസി, അർജന്റ് കെയർ, ക്രിട്ടിക്കല്‍ കെയർ, ഓയില്‍ ആൻഡ് ഗ്യാസ് നഴ്‌സിങ് എന്നീ മേഖലകളില്‍ ഏതിലെങ്കിലും രണ്ടു വർഷത്തില്‍ കുറയാത്ത പ്രവൃത്തി പരിചയവും ഉണ്ടായിരിക്കണം. എല്ലാ ആനുകൂല്യങ്ങളും ഉള്‍പ്പെടെ 5000 ദിർഹമാണ് ശമ്ബളം. വിസ, എയർ ടിക്കറ്റ്, താമസ സൗകര്യം, മെഡിക്കല്‍ ഇൻഷുറൻസ് എന്നിവ സൗജന്യമായി ലഭിക്കുമെന്നും ഒഡെപെക് പുറത്തിറക്കിയ അറിയിപ്പില്‍ പറയുന്നു. ആഴ്ചയില്‍ 60 മണിക്കൂറാണ് ജോലി സമയം. വർഷത്തില്‍ 30 ദിവസം ശമ്ബളത്തോടെയുള്ള അവധി ലഭിക്കും.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
താത്പര്യമുള്ള ഉദ്യോഗാർത്ഥികള്‍ ബയോഡേറ്റ, പാസ്‌പോർട്, എന്നിവ 2024 ജൂണ്‍ 30നു മുൻപ് [email protected] എന്ന ഇ-മെയില്‍ വിലാസത്തിലേക്ക അയക്കേണ്ടതാണ്. കൂടുതല്‍ വിവരങ്ങള്‍ക്ക് www.odepc.kerala.gov.in എന്ന വെബ്‌സൈറ്റ് സന്ദർശിക്കാം. ഫോണ്‍ നമ്ബർ – 0471-2329440, /2329441/2329442 /2329445, 7736496574.ഒഡെപെക്കിനു മറ്റു ശാഖകളോ ഏജന്റ്റുമാരോ ഇല്ലെന്നും അധികൃതർ അറിയിച്ചിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
