കൊല്ലം: കുണ്ടറയിൽ റെയിൽവേ പാളത്തിന് കുറുകെ ടെലിഫോൺ പോസ്റ്റ് വച്ച സംഭവത്തിൽ സിസിടിവി ദൃശ്യങ്ങൾ പുറത്ത്. രണ്ട് യുവാക്കൾ ചേർന്ന് ടെലിഫോൺ പോസ്റ്റ് വലിച്ചിടുന്നതാണ് ദൃശ്യങ്ങളിലുള്ളത്. ഇത് കേന്ദ്രീകരിച്ചാണ് നിലവിൽ അന്വേഷണം നടക്കുന്നത്. ദീർഘകാലമായി റോഡിന് സമീപം വച്ചിരുന്ന പഴയൊരു പോസ്റ്റ് ഇവിടെ കൊണ്ടിടുകയായിരുന്നു.
ഇന്ന് പുലർച്ചെ രണ്ട് മണിയോടെയാണ് റെയിൽവേ പാളത്തിന് കുറുകെ ടെലിഫോൺ പോസ്റ്റ് ശ്രദ്ധയിൽപ്പെട്ടത്. യാത്രക്കാരനാണ് പോസ്റ്റ് കണ്ടത്. തുടർന്ന് എഴുകോൺ പൊലീസിൽ വിവരമറിയിച്ചു.പൊലീസ് ഉദ്യോഗസ്ഥർ എത്തി പോസ്റ്റ് നീക്കി.
പൊലീസ് മടങ്ങിയതിന് ശേഷം വീണ്ടും ആരോ റെയിൽവേ പാളത്തിന് കുറുകെ പോസ്റ്റ് വച്ചു. കൃത്യസമയത്ത് കണ്ടെത്തിയതിനാൽ വലിയൊരു ദുരന്തം ഒഴിവായി. സംഭവത്തിൽ പൊലീസും പുനലൂർ റെയിൽവേ അധികൃതരും അന്വേഷണം നടത്തിവരികയാണ്. അട്ടിമറി സാദ്ധ്യതയടക്കം പരിശോധിച്ചുവരികയാണ്.
കൂടുതൽ പേർക്ക് പങ്കെന്ന് നാട്ടുകാരൻ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
‘ഒരാളോ രണ്ടാളോ മൂന്നാളോ വിചാരിച്ചാൽ പോസ്റ്റ് ഇവിടെ നീക്കിക്കൊണ്ടുവരാൻ പറ്റില്ല. വർഷങ്ങളായി റോഡിനടുത്ത് ചാരിവച്ചിരിക്കുന്ന പോസ്റ്റാണിത്. നാലു പേരെങ്കിലും എന്തായാലും കാണും. ഇത് മനപൂർവം ആരോ ചെയ്തതാണ്. ആദ്യം വച്ചശേഷം പൊലീസ് ഇത് മാറ്റി. പൊലീസ് പോയതിന് ശേഷം രണ്ടാമത് വീണ്ടും വച്ചു. തുടർന്ന് പൊലീസ് വീണ്ടുമെത്തി മാറ്റുകയായിരുന്നു. ദൂരെനിന്ന് വന്നവരാണ്.’- നാട്ടുകാരൻ പറഞ്ഞു.
