തമിഴകത്തിന്റെ രജനികാന്ത് നായകനായി വന്ന ചിത്രമാണ് വേട്ടയ്യൻ. തമിഴകത്ത് മാത്രമായി ചിത്രം 200 കോടി ക്ലബിലെത്തിയിരുന്നു. വിദേശത്തെ രജനികാന്തിന്റെ വേട്ടയ്യന് നേടിയ കളക്ഷന്റെ റിപ്പോര്ട്ടും ചര്ച്ചയാകുകയാണ്. വിദേശത്ത് നിന്ന് വേട്ടയ്യന് 74 കോടി രൂപയാണ് നേടാനായത്.
ലൈക്ക പ്രൊഡക്ഷൻസാണ് ചിത്രം നിര്മിച്ചത്. കമ്പനി രജനികാന്തിനെ നായകനായി നിര്മിച്ച ചിത്രങ്ങളുടെ നഷ്ടം നികത്താൻ സാധിക്കുന്ന വൻ കളക്ഷൻ വേട്ടയ്യന് നേടാനാകുന്നില്ല. അതിനാല് രജനികാന്ത് എന്തായാലും നഷ്ടപരിഹാരം തങ്ങള്ക്ക് നല്കണമെന്ന് ലൈക്ക പ്രൊഡക്ഷൻസ് തമിഴ് താരത്തിനോട് നിര്ദ്ദേശിച്ചതായും റിപ്പോര്ട്ടുകളുണ്ട്. ഇതില് രജനികാന്ത് ഇതുവരെ പ്രതികരിച്ചിട്ടില്ല.
യുഎ സര്ട്ടിഫിക്കറ്റാണ് വേട്ടയ്യന് ലഭിച്ചിരുന്നത്. സംവിധായകൻ ടി ജെ ജ്ഞാനവേലായ ചിത്രത്തില് മലയാളി നടൻ ഫഫദും നിര്ണായകമായ കഥാപാത്രമായി ഉണ്ട്. ഛായാഗ്രഹണം എസ് ആർ കതിർ. രജനികാന്തിനൊപ്പം ഫഹദ് ഫാസിനു പുറമേ ചിത്രത്തില് മഞ്ജു വാര്യർ, അമിതാഭ് ബച്ചൻ, റാണ ദഗ്ഗുബാട്ടി, ശർവാനന്ദ്, ജിഷു സെൻഗുപ്ത, അഭിരാമി, രീതിക സിങ്, ദുഷാര വിജയൻ, രാമയ്യ സുബ്രമണ്യൻ, കിഷോർ, റെഡ്ഡിന് കിങ്സ്ലി, രോഹിണി, രവി മരിയ, റാവു രമേശ്, രാഘവ് ജൂയാൽ, രമേശ് തിലക്, ഷാജി ചെൻ, രക്ഷൻ, സിങ്കമ്പുലി, ജി എം സുന്ദർ, സാബുമോൻ അബ്ദുസമദ്, ഷബീർ കല്ലറക്കൽ എന്നിവരും മറ്റ് പ്രധാന താരങ്ങളായി ഉണ്ട്.
സംഗീതം അനിരുദ്ധ് രവിചന്ദർ നിര്വഹിക്കുന്നുവെന്നത് ചിത്രത്തിന്റെ പ്രധാനപ്പെട്ട ആകര്ഷണമാണ് എന്നാണ് അഭിപ്രായങ്ങള്. കലാസംവിധാനം കെ കതിർ ആണ്. വസ്ത്രാലങ്കാരം അനു വർദ്ധൻ ആണ്. അൻപറിവ് രജനികാന്തിന്റെ വേട്ടയ്യന്റെ ആക്ഷൻ സംവിധാനം നിര്വഹിക്കുമ്പോള് പിആര്ഒ ശബരി ആണ്.
Read More: ഭീഷ്മപർവമല്ല ബോഗയ്ൻവില്ല, ഇതാ ആഗോള കളക്ഷനില് ആ സംഖ്യ മറികടന്നു, വിശ്വാസം സംവിധായകന്റെ ഗ്യാരന്റിയിൽ
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]