കോഴിക്കോട്: പട്ടാപ്പകല് ജനത്തിരക്കുള്ള റോഡില് ഇറങ്ങിയ കാട്ടുപന്നിക്ക് വാഹനമിടിച്ച് പരിക്കേറ്റു. കോഴിക്കോട് നാദാപുരം-കല്ലാച്ചി സംസ്ഥാന പാതയിലാണ് അസാധാരണമായ സംഭവങ്ങള് നടന്നത്.
പിന്നീട് അധികൃതര് സ്ഥലത്തെത്തി പന്നിയെ വെടിവെച്ചു കൊല്ലുകയായിരുന്നു. നാദാപുരം-കല്ലാച്ചി സംസ്ഥാന പാതയില് കസ്തൂരിക്കുളം പെട്രോള് പമ്പിന് സമീപത്തായാണ് അപകടം നടന്നത്.
ജനത്തിരക്കുള്ള സ്ഥലത്ത് അപ്രതീക്ഷിതമായി എത്തിയ കാട്ടുപന്നി റോഡില് ഇറങ്ങിയപ്പോള് ഇതുവഴി വന്ന വാഹനം ഇടിച്ചുതെറിപ്പിക്കുകയായിരുന്നു. പരിക്കേറ്റ് അവശ നിലയിലായ പന്നിയെ ഉടന് തന്നെ നാട്ടുകാരും യാത്രക്കാരും ചേര്ന്ന് സമീപത്തെ വൈദ്യുതി തൂണില് കയര് ഉപയോഗിച്ച് കെട്ടിയിട്ടു. വിവരം അറിയിച്ചതിനെ തുടര്ന്ന് നാദാപുരം പഞ്ചായത്ത് അധികൃതരും സ്ഥലത്തെത്തി.
പിന്നീട് അരൂര് സ്വദേശിയായ ഷൂട്ടര് പ്രദീപിനെ എത്തിക്കുകയും 9.20ഓടെ അധികൃതരുടെ അനുമതിയോടെ വെടിവെച്ച് കൊല്ലുകയുമായിരുന്നു. നാദാപുരം പൊലീസും സ്ഥലത്തെത്തി.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
