തെലങ്കനാ : കോൺഗ്രസ് എംപി രാഹുൽ ഗാന്ധിയും അഖിലേന്ത്യാ കോൺഗ്രസ് കമ്മിറ്റി (എഐസിസി) ജനറൽ സെക്രട്ടറി പ്രിയങ്ക ഗാന്ധി വധേരയും ബുധനാഴ്ച തെലങ്കാനയിലെ മുലുഗു ജില്ലയിൽ കോൺഗ്രസ് പാർട്ടിയുടെ വിജയഭേരി യാത്രയ്ക്ക് നേതൃത്വം നൽകി. പ്രാദേശിക ജനങ്ങളുമായി കോൺഗ്രസ് നെ അടുപ്പിക്കാനുള്ള സുപ്രധാന ചുവടുവെ പ്പ് ആണ് യാത്ര. ഒപ്പംതെലങ്കാനയിലെ മുലുഗു ജില്ലയിൽ സ്ഥിതി ചെയ്യുന്ന ചരിത്രപ്രസിദ്ധമായ രാമപ്പ ക്ഷേത്രത്തിൽ പ്രിയങ്ക ഗാന്ധി വാദ്ര സന്ദർശനം നടത്തി. വാസ്തുവിദ്യയ്ക്കും സാംസ്കാരിക പ്രാധാന്യത്തിനും പേരുകേട്ടതാണ് ഈ ക്ഷേത്രം. നവംബർ 30ന് തെലങ്കാനയിൽ നിയമസഭാ തെരഞ്ഞെടുപ്പ്. റാലിയെ കഴിഞ്ഞ് പ്രിയങ്ക ന്യൂഡൽഹിയിലേക്ക് മടങ്ങുമെന്ന് റിപ്പോർട്ടുകൾ. രാഹുൽസംസ്ഥാനത്ത് നടക്കുന്ന പരിപാടികളിൽ പങ്കെടുക്കുന്നത് തുടരും.രാഹുൽ ഗാന്ധി ഭൂപാൽപള്ളിയിൽ രാത്രി തങ്ങുമെന്ന് മുലുഗുവിൽ നിന്നുള്ള കോൺഗ്രസ് എംഎൽഎ ദനാസാരി അനസൂയ പറഞ്ഞു.
ത്രിദിന യാത്ര ഒക്ടോബർ 18ന് ആരംഭിച്ച് എട്ട് മണ്ഡലങ്ങൾ സന്ദർശിക്കുമെന്നും കോൺഗ്രസ് വൃത്തങ്ങൾ അറിയിച്ചു.
സിംഗരേണി കോളിയറീസ് പ്രവർത്തകരുമായി രാഹുൽ കൂടിക്കാഴ്ച നടത്തുമെന്നും ഒക്ടോബർ 19ന് പെദ്ദപ്പള്ളിയിലും കരിംനഗറിലും രാത്രി ഹാൾട്ട് ചെയ്ത് പൊതുയോഗങ്ങളിൽ പങ്കെടുക്കുമെന്നും റിപ്പോർട്ടിൽ പറയുന്നു.
ഒക്ടോബർ 20ന് ജഗ്തിയാലിലെ കർഷക യോഗത്തിലും ആർമൂറിലും നിസാമാബാദിലും നടക്കുന്ന പരിപാടികളിലും അദ്ദേഹം പങ്കെടുക്കും.
തെലങ്കാന പര്യടനത്തിനിടെ രാഹുൽ ഗാന്ധി ബോധനിലെ നിസാം ഷുഗർ ഫാക്ടറി സന്ദർശിക്കാനും അർമൂറിലെ മഞ്ഞൾ, കരിമ്പ് കർഷകരുമായി കൂടിക്കാഴ്ച നടത്തുകയും ചെയ്യുമെന്നും കോൺഗ്രസ് വൃത്തങ്ങൾ അറിയിച്ചു.
