‘ഇന്ത്യാ സഖ്യം 2024ലെ തിരഞ്ഞെടുപ്പിനായി രൂപീകരിച്ചത്’; മുന്നണി വിട്ട് ആംആദ്മി പാർട്ടി, ഇനി ഒറ്റയ്ക്ക്

ന്യൂഡൽഹി∙ ന്റെ നേതൃത്വത്തിലുള്ള ആം ആദ്മി പാർട്ടി ഇന്ത്യാ സഖ്യം വിട്ടു. പ്രതിപക്ഷ പാർട്ടികളുടെ മുന്നണിയായ ഇന്ത്യാ സഖ്യത്തില്‍നിന്നു പിന്മാറുകയാണെന്ന് രാജ്യസഭാ എംപി സഞ്ജയ് സിങാണ് അറിയിച്ചത്.

എഎപി ഇനി ഇന്ത്യാസഖ്യത്തിന്റെ ഭാഗമല്ലെന്നും തിങ്കളാഴ്ച ആരംഭിക്കുന്ന പാർലമെന്റ് സമ്മേളനത്തിനോട് അനുബന്ധിച്ചുള്ള ഇന്ത്യാ സഖ്യത്തിന്റെ യോഗത്തിൽ പാർട്ടി പങ്കെടുക്കില്ലെന്നും അദ്ദേഹം പറഞ്ഞു.
‘‘ആം ആദ്മി പാർട്ടി നിലപാട് വ്യക്തമാക്കുകയാണ്. ഇന്ത്യാ സഖ്യം 2024ലെ ലോക്‌സഭാ തിരഞ്ഞെടുപ്പിന്റെ ഭാഗമായി രൂപീകരിച്ചതാണ്.

ഡൽഹി, ഹരിയാന നിയമസഭാ തിരഞ്ഞെടുപ്പുകളിൽ ഞങ്ങൾ ഒറ്റയ്ക്കാണ് മത്സരിച്ചത്. ബീഹാർ തിരഞ്ഞെടുപ്പിലും ഞങ്ങൾ ഒറ്റയ്ക്ക് മത്സരിക്കും.

പഞ്ചാബിലെയും ഗുജറാത്തിലെയും ഉപതിരഞ്ഞെടുപ്പുകളിൽ ഞങ്ങൾ ഒറ്റയ്ക്ക് മത്സരിച്ചു. ആം ആദ്മി പാർട്ടി ഇനി ഇന്ത്യാ സഖ്യത്തിന്റെ ഭാഗമല്ല.’’ – സഞ്ജയ് സിങ് എംപി പറഞ്ഞു.

…