ആലപ്പുഴ: ആലപ്പുഴ മണ്ഡലം യുഡിഎഫ് സ്ഥാനാര്‍ത്ഥിയായ കെ.സി വേണുഗോപാലിന്റെ പ്രചാരണ ബോര്‍ഡുകള്‍ നശിപ്പിച്ചയാള്‍ അറസ്റ്റില്‍. ആലപ്പുഴ മുനിസിപ്പല്‍ സക്കറിയ വാര്‍ഡില്‍ തോട്ടുങ്കല്‍ പുരയിടം വീട്ടില്‍ നിഹാര്‍ (41) ആണ് ആലപ്പുഴ സൗത്ത് പൊലീസിന്റെ പിടിയിലായത്.
ചൊവ്വാഴ്ച പുലര്‍ച്ചെ രണ്ടു മണിയോടെ വട്ടപ്പള്ളി ഭാഗത്ത് സ്ഥാപിച്ചിരുന്ന അഞ്ചു തെരഞ്ഞെടുപ്പ് പ്രചാരണ ബോര്‍ഡുകളാണ് നിഹാര്‍ നശിപ്പിച്ചതെന്ന് പൊലീസ് പറഞ്ഞു. സിസി ടിവി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് നിഹാറിനെ പിടികൂടിയത്. ഇരുവിഭാഗങ്ങള്‍ തമ്മില്‍ വിദ്വേഷമുണ്ടാക്കി സമൂഹത്തില്‍ കലഹമുണ്ടാക്കാന്‍ ശ്രമിച്ചതിനും ഇലക്ഷന്‍ പ്രചാരണ ബോര്‍ഡ് നശിപ്പിച്ച് നാശനഷ്ടം വരുത്തിയതിനുമാണ് നിഹാറിനെതിരെ കേസെടുത്തതെന്ന് പൊലീസ് പറഞ്ഞു.
Last Updated Apr 18, 2024, 3:51 PM IST
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
