കൊലപാതക കേസിലെ പ്രതിയുടെ ജന്മദിനം ആഘോഷിക്കാനായി ഒത്തുകൂടി കുപ്രസിദ്ധ ഗുണ്ടകള്‍; വീഡിയോ വൈറലായപ്പോള്‍ അന്വേഷണവുമായി പോലീസ്
ആലപ്പുഴ: മുഹമ്മയില്‍ കൊലപാതക കേസിലെ പ്രതിയുടെ ജന്മദിനം ആഘോഷിക്കാനായി ഒത്തുകൂടി കുപ്രസിദ്ധ ഗുണ്ടകള്‍. ചടങ്ങില്‍ നിന്നുള്ള വീഡിയോകള്‍ പശ്ചാത്തല സംഗീതത്തിൻറെ അകമ്ബടിയോടെ സമൂഹമാധ്യമങ്ങളില്‍ വൈറലായതോടെയാണ് പോലീസ് വിവരമറിഞ്ഞത്.
ഇതോടെ ഗുണ്ടകളുടെ ഒത്തുചേരലിന്റെ കാരണം അറിയാനുള്ള കൊണ്ടുപിടിച്ച അന്വേഷണത്തിലാണ് പോലീസ്.ഒരാഴ്ച മുൻപാണ് കേരളത്തിന്റെ വിവിധ ഭാഗങ്ങളില്‍ നിന്നുള്ള ഗുണ്ടകള്‍ ആലപ്പുഴയില്‍ മുഹമ്മയ്ക്ക് സമീപം ഒത്തുകൂടിയത്. കൊലപാതകം, വധശ്രമം, ആശുപത്രി ആക്രമണം, വള്ളംകളി തുഴല്‍ച്ചിലുകാരെ ആക്രമിക്കല്‍ തുടങ്ങി നവകേരള യാത്രയ്ക്കെുനേരെ പ്രതിഷേധിച്ചവരെ മർദിച്ച കേസിലെ പ്രതികള്‍വരെ കൂട്ടത്തിലുണ്ടായിരുന്നു.
ജന്മദിനാഘോഷത്തിന് മാത്രമായാണോ ഗുണ്ടകള്‍ ഒത്തുചേർന്നത് എന്നാണ് പ്രധാനമായും പോലീസ് അന്വേഷിക്കുന്നത്. പോലീസിന്റെ പ്രാഥമിക അന്വേഷണത്തില്‍ ചേർത്തലയ്ക്കടുത്ത് നടന്ന ഒരു സ്വകാര്യ ചടങ്ങിലും ഗുണ്ടകള്‍ കൂട്ടത്തോടെ പങ്കെടുത്തിരുന്നതായി കണ്ടെത്തിയിട്ടുണ്ട്. ഈ ചടങ്ങില്‍ നിന്നുള്ള വീഡിയോകളും സമൂഹമാധ്യമങ്ങളിലൂടെ പുറത്തുവന്നിരുന്നു.
രണ്ട് സംഭവങ്ങളും പോലീസ് രഹസ്യാന്വേഷണ വിഭാഗം പോലും അറിഞ്ഞില്ല എന്നത് ഗൗരവതരമാണെന്നാണ് വിലയിരുത്തല്‍. ഒരുവർഷം മുമ്ബും ഗുണ്ടകള്‍ ഇത്തരത്തില്‍ ആലപ്പുഴയില്‍ ഒത്തുകൂടിയിരുന്നു. ഹൗസ് ബോട്ടില്‍ പിറന്നാളാഘോഷം കഴിഞ്ഞ് മടങ്ങിയവർ തമ്മിലടിച്ചതോടെയാണ് അന്ന് പോലീസ് ഗുണ്ടകളുടെ ഒത്തുചേരലിനെക്കുറിച്ച്‌ അറഞ്ഞത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
