മാരുതി സുസുക്കി എസ്-പ്രസോയ്ക്ക് ദീപാവലിക്ക് വൻ വിലക്കുറവ്!

ദീപാവലിയോടനുബന്ധിച്ച് മാരുതി സുസുക്കി ഇന്ത്യ ലിമിറ്റഡ് തങ്ങളുടെ ഏറ്റവും വിലകുറഞ്ഞ കാറുകളിൽ ഒന്നായ മാരുതി സുസുക്കി എസ് പ്രസോയ്ക്ക് വൻ വിലക്കിഴിവ് പ്രഖ്യാപിച്ചു. ഈ മാസം ഇത് വാങ്ങുമ്പോൾ, ഉപഭോക്താക്കൾക്ക് 47,500 രൂപ വരെ ആനുകൂല്യങ്ങൾ ലഭിക്കും.

പുതിയ ജിഎസ്ടി 2.0 ന് ശേഷം, ഈ കാറിന്റെ വില 1,29,600 രൂപ കുറച്ചു. നേരത്തെ ഇതിന്റെ എക്സ്-ഷോറൂം വില 4,26,500 രൂപയായിരുന്നു, ഇപ്പോൾ ഇത് 3,49,900 രൂപയായി കുറഞ്ഞു.

ഈ കാർ 32 കിലോമീറ്റർ മൈലേജ് നൽകുന്നു. അതിന്റെ പുതിയ വിലകൾ നോക്കാം.

മാരുതി എസ്-പ്രസോയുടെ സവിശേഷതകൾ 1.0 ലിറ്റർ പെട്രോൾ എഞ്ചിനാണ് മാരുതി സുസുക്കി എസ്-പ്രസോയ്ക്ക് കരുത്ത് പകരുന്നത്. ഈ എഞ്ചിൻ 68PS പവറും 89Nm ടോർക്കും ഉത്പാദിപ്പിക്കാൻ പ്രാപ്തമാണ്.

എഞ്ചിനിൽ 5-സ്പീഡ് മാനുവൽ ട്രാൻസ്മിഷൻ സ്റ്റാൻഡേർഡാണ്. അതേസമയം 5-സ്പീഡ് എഎംടി ഗിയർബോക്സും ഒരു ഓപ്ഷനാണ്.

ഈ എഞ്ചിനിൽ ഒരു സിഎൻജി കിറ്റ് ഓപ്ഷനും ലഭ്യമാണ്. സിഎൻജി മോഡിൽ, ഈ എഞ്ചിൻ 56.69PS പവറും 82.1Nm ടോർക്കും ഉത്പാദിപ്പിക്കുന്നു.

5-സ്പീഡ് മാനുവൽ ഗിയർബോക്സ് ഓപ്ഷൻ മാത്രമേ ഇതിൽ ലഭ്യമാകൂ. മാരുതി എസ്-പ്രസ്സോയുടെ മൈലേജിനെക്കുറിച്ച് പറയുകയാണെങ്കിൽ, അതിന്റെ പെട്രോൾ എംടി വേരിയന്റിന്റെ മൈലേജ് 24kmpl ആണ്.

പെട്രോൾ എഎംടി യുടെ മൈലേജ് 24.76kmpl ആണ്. സിഎൻജി വേരിയന്റിന്റെ മൈലേജ് 32.73km/kg ആണ്.

ആപ്പിൾ കാർപ്ലേ, ആൻഡ്രോയിഡ് ഓട്ടോ കണക്റ്റിവിറ്റിയുള്ള 7 ഇഞ്ച് ഇൻഫോടെയ്ൻമെന്റ് സിസ്റ്റം, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഫ്രണ്ട് പവർ വിൻഡോകൾ, കീലെസ് എൻട്രി, സ്റ്റെബിലിറ്റി പ്രോഗ്രാം, ഹിൽ ഹോൾഡ് അസിസ്റ്റ്, ഇലക്ട്രിക്കലി ക്രമീകരിക്കാവുന്ന ഓആർവിഎമ്മുകൾ, ക്യാബിൻ എയർ ഫിൽട്ടർ എന്നിവ മാരുതി എസ്-പ്രസ്സോയുടെ സവിശേഷതകളിൽ ഉൾപ്പെടുന്നു. എങ്കിലും സുരക്ഷയ്ക്കായി, നിലവിൽ ഇത് ഇരട്ട

എയർബാഗുകൾ മാത്രമേ വാഗ്ദാനം ചെയ്യുന്നുള്ളൂ. കമ്പനി ഉടൻ തന്നെ ആറ് എയർബാഗുകൾ സ്റ്റാൻഡേർഡായി അപ്‌ഡേറ്റ് ചെയ്യും.

ശ്രദ്ധിക്കുക, വ്യത്യസ്‍ത പ്ലാറ്റ്‌ഫോമുകളുടെ സഹായത്തോടെ കാറുകളിൽ ലഭ്യമായ കിഴിവുകളാണ് മുകളിൽ വിശദീകരിച്ചിരിക്കുന്നത്. മേൽപ്പറഞ്ഞിരിക്കുന്ന കിഴിവുകൾ രാജ്യത്തെ വിവിധ സംസ്ഥാനങ്ങൾക്കും വിവിധ ഭൂപ്രദേശങ്ങൾക്കും ഓരോ നഗരത്തിനും ഡീലർഷിപ്പുകൾക്കും സ്റ്റോക്കിനും നിറത്തിനും വേരിയന്‍റിനുമൊക്കെ അനുസരിച്ച് വ്യത്യാസപ്പെട്ടിരിക്കുന്നു.

അതായത് ഈ കിഴിവ് നിങ്ങളുടെ നഗരത്തിലോ ഡീലറിലോ കൂടുതലോ കുറവോ ആയിരിക്കാം. അത്തരമൊരു സാഹചര്യത്തിൽ, ഒരു കാർ വാങ്ങുന്നതിന് മുമ്പ്, കൃത്യമായ കിഴിവ് കണക്കുകൾക്കും മറ്റ് വിവരങ്ങൾക്കുമായി നിങ്ങളുടെ തൊട്ടടുത്തുള്ള പ്രാദേശിക ഡീലറെ സമീപിക്കുക.

… FacebookTwitterWhatsAppTelegram