‘ചക്കപ്പഴം’ എന്ന ടെലിവിഷൻ പരമ്പരയിലെ സുമേഷ് എന്ന കഥാപാത്രത്തിലൂടെ പ്രേക്ഷകരുടെ പ്രിയങ്കരനായ റാഫിയുടെ മുൻഭാര്യയാണ് മഹീന മുന്ന. ഇരുവരുടെയും വിവാഹവും പിന്നീട് വേർപിരിഞ്ഞതുമെല്ലാം സോഷ്യൽ മീഡിയയിൽ വാർത്തയായിരുന്നു.
റാഫിയുമായുള്ള വേർപിരിയലിന് ശേഷം ദുബായിൽ ജോലി ചെയ്യുകയാണ് മഹീന ഇപ്പോൾ. ദുബായിൽ എത്തിയതിനെക്കുറിച്ചും തൻ്റെ ആദ്യത്തെ ജോലിയെയും ശമ്പളത്തെയും കുറിച്ചുമെല്ലാം പുതിയൊരു വ്ലോഗിലൂടെ വിശദീകരിക്കുകയാണ് മഹീന.
“ദുബായിൽ ഒരു ജോലിക്ക് ശ്രമിക്കാൻ എന്നോട് ആദ്യം നിർദ്ദേശിച്ചത് റാഫിയായിരുന്നു. എനിക്കും താൽപ്പര്യമുണ്ടായിരുന്നതുകൊണ്ടാണ് യുഎഇയിലേക്ക് വരാൻ തീരുമാനിച്ചത്.
ദുബായിൽ എത്തിയിട്ട് ഇപ്പോൾ രണ്ട് വർഷമായി. ഞാൻ ഒറ്റമകളായതിനാൽ, ഇവിടെ വന്ന് ജോലി ചെയ്യുന്നതിന് ഉമ്മയ്ക്ക് ആദ്യം സമ്മതമായിരുന്നില്ല.
പിന്നീട്, എൻ്റെ നിരന്തരമായ നിർബന്ധത്തിന് വഴങ്ങി ഉമ്മ സമ്മതം മൂളി. രണ്ടുമാസത്തെ സന്ദർശക വിസയിലാണ് ഞാൻ ഇവിടെയെത്തിയത്.
അന്ന് യുഎഇയെക്കുറിച്ചോ, എങ്ങനെ ജോലി കണ്ടെത്തണമെന്നോ, ഏത് മേഖല തിരഞ്ഞെടുക്കണമെന്നോ യാതൊരു ധാരണയുമുണ്ടായിരുന്നില്ല. ബികോം ഫിനാൻസിൽ ബിരുദമുണ്ടായിരുന്നതിനാൽ അക്കൗണ്ട്സ് മേഖലയിൽ ശ്രമിക്കാനാണ് പലരും ഉപദേശിച്ചത്.
എന്നാൽ ഏതെങ്കിലും ഒരു ജോലി നേടുന്നതിനപ്പുറം, എനിക്ക് ഇഷ്ടമുള്ളതും ആത്മസംതൃപ്തി നൽകുന്നതുമായ ഒരു ജോലി ചെയ്യണമെന്നായിരുന്നു എൻ്റെ ആഗ്രഹം. നാട്ടിൽ നിന്ന് മേക്കപ്പ് പഠിച്ചിരുന്നതുകൊണ്ട് ആ മേഖലയിൽ ജോലി ചെയ്യാൻ താല്പര്യം തോന്നി.
അതിനായി സലൂണുകളിൽ അവസരങ്ങൾ അന്വേഷിച്ചു. ഇപ്പോൾ ഷാർജയിലാണ് ഞാൻ താമസിക്കുന്നത്.
മെട്രോ ഉപയോഗിക്കാൻ പഠിച്ചത് പോലും ദുബായിൽ വന്ന ശേഷമാണ്. ഒരു സലൂണിൽ മാനേജരായാണ് എനിക്ക് ആദ്യം ജോലി ലഭിച്ചത്.
1500 ദിർഹമായിരുന്നു എൻ്റെ ആദ്യത്തെ ശമ്പളം,” മഹീന കൂട്ടിച്ചേർത്തു. പുതിയ വാർത്തകൾ തത്സമയം ലഭിക്കാൻ newskerala.net സന്ദർശിക്കുക FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
