കോഴിക്കോട് : കൂടരഞ്ഞി പഞ്ചായത്തിലെ പെരുമ്പുള്ളി മഞ്ഞക്കടവിൽ കിണറ്റിൽ അകപ്പെട്ട ജീവി പുലിയാണെന്ന് സ്ഥിരീകരിച്ചു.
വനംവകുപ്പ് കിണറ്റിലിറക്കിയ നിരീക്ഷണ ക്യാമറയിലാണ് പുലിയുടെ ദൃശ്യങ്ങൾ പതിഞ്ഞത്. പുലിയെ സുരക്ഷിതമായി പുറത്തെത്തിക്കാൻ കൂട് സ്ഥാപിക്കുമെന്ന് വനംവകുപ്പ് അറിയിച്ചു.
കുര്യാളശ്ശേരി കുര്യന്റെ കൃഷിയിടത്തിൽ ആൾമറയില്ലാതെ കിടന്ന 35 അടിയോളം താഴ്ചയുള്ള കിണറ്റിലാണ് കഴിഞ്ഞ ദിവസം അജ്ഞാത ജീവി വീണതായി ശ്രദ്ധയിൽപ്പെട്ടത്. കിണറ്റിനുള്ളിലെ ഒരു പൊത്തിലേക്ക് ജീവി കയറി ഒളിച്ചതിനാൽ ആദ്യഘട്ടത്തിൽ ഇതിനെ കണ്ടെത്താനായിരുന്നില്ല.
വിവരമറിഞ്ഞെത്തിയ വനംവകുപ്പ് ഉദ്യോഗസ്ഥർ കിണറ്റിൽ ക്യാമറയിറക്കി പരിശോധന നടത്തിയെങ്കിലും ജീവിയെ കണ്ടെത്താനായില്ല. തുടർന്ന് ഇന്ന് നടത്തിയ പരിശോധനയിലാണ് കിണറ്റിലുള്ളത് പുലിയാണെന്ന് വ്യക്തമാക്കുന്ന ദൃശ്യങ്ങൾ ക്യാമറയിൽ പതിഞ്ഞത്.
FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
