വിവിധ ഇന്ത്യന്‍ റോഡുകളെ കുറിച്ച് വിചിത്രമായ പല വീഡിയോകളും ചിത്രങ്ങളും നമ്മള്‍ കണ്ടിട്ടുണ്ട്. ഇവയിലേറെ സാമൂഹ്യമാധ്യമങ്ങളില്‍ വൈറലാവുകയും ചെയ്‌തതാണ്. ഇത്തരത്തില്‍ വൈറലാവുന്ന ഒരു പുതിയ വീഡിയോയുടെ യാഥാര്‍ഥ്യം പരിശോധിക്കാം.
പ്രചാരണം
പൊട്ടിപ്പൊളിഞ്ഞ ഒരു ഹൈവേ റോഡാണ് ചിത്രത്തില്‍ കാണുന്നത്. വാഹനങ്ങള്‍ കടന്നുപോകുമ്പോള്‍ കുഴികളില്‍ നിന്ന് മോട്ടോറില്‍ നിന്നെന്ന പോലെ ശക്തമായ വെള്ളം ചീറ്റുന്നതാണ് വീഡിയോയില്‍ കാണുന്നത്. റോഡിലെ മൂന്ന് കുഴികളില്‍ നിന്ന് ഇത്തരത്തില്‍ വെള്ളം ചീറ്റുന്നത് കാണാം. അപകടത്തില്‍പ്പെടാതെ ആളുകള്‍ സാഹസികമായി യാത്ര ചെയ്യുന്ന ഈ റോഡ് ഇന്ത്യയിലാണ് എന്നാണ് സോഷ്യല്‍ മീഡിയ പ്ലാറ്റ്‌ഫോമായ ഇന്‍സ്റ്റഗ്രാമില്‍ വീഡിയോ ദൃശ്യം പോസ്റ്റ് ചെയ്തുകൊണ്ട് ഒരാള്‍ കുറിച്ചിരിക്കുന്നത്.
View this post on Instagram
വസ്‌തുതാ പരിശോധന
വിചിത്രമായ ഈ റോഡ് ഇന്ത്യയില്‍ ഉള്ളതാണോ എന്നറിയാന്‍ വീഡിയോയുടെ ഫ്രയിമുകള്‍ റിവേഴ്‌സ് ഇമേജ് സെര്‍ച്ചിന് വിധേയമാക്കി. ഈ പരിശോധനയില്‍ വ്യക്തമായത് ദൃശ്യങ്ങള്‍ ഇന്ത്യയില്‍ നിന്നല്ല, മധ്യ അമേരിക്കന്‍ രാജ്യമായ ഗ്വാട്ടിമാലയില്‍ നിന്നുള്ളതാണ് എന്നാണ്. റോഡ് ഗ്വാട്ടിമാലയിലാണ് എന്ന് വ്യക്തമാക്കുന്ന ഒരു ട്വീറ്റ് ചുവടെ കാണാം.
Tomen precauciones en el km 14 ruta al Pacífico. Asfalto se levanta por exceso de agua de lluvia en drenajes y tragantes pic.twitter.com/CPuKR2ADuf
— Clima Guatemala (@ClimaenGuate) September 12, 2024
ഈ റോഡ് ഗ്വാട്ടിമാലയിലാണ് എന്ന് വ്യക്തമാക്കുന്ന മറ്റനേകം സോഷ്യല്‍ മീഡിയ പോസ്റ്റുകളുമുണ്ട്. മാത്രമല്ല, റോഡ് ഇന്ത്യയിലേത് അല്ല എന്ന് കാണിച്ച് പ്രസ് ഇന്‍ഫര്‍മേഷന്‍ ബ്യൂറോയുടെ ഫാക്ട് ചെക്ക് വിഭാഗത്തിന്‍റെ ട്വീറ്റും കാണാം.
A video circulating on social media shows water coming out of the cracks in the asphalt, which is being inaccurately attributed to India.#PIBFactCheck
✔️The video is from Villa Nueva, Guatemala & not from India.
✔️ Kindly refrain from sharing such out-of-context videos. pic.twitter.com/MgOXOG6kDR
— PIB Fact Check (@PIBFactCheck) September 17, 2024
നിഗമനം
വാഹനങ്ങള്‍ പോകുമ്പോള്‍ വെള്ളം ചീറ്റുന്ന ഇന്ത്യന്‍ റോഡ് എന്ന വീഡിയോ പ്രചാരണം വ്യാജമാണ്. മധ്യ അമേരിക്കന്‍ രാജ്യമായ ഗ്വാട്ടിമാലയില്‍ നിന്നുള്ള വീഡിയോയാണിത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
