കനത്ത വേനല്‍ ചൂടില്‍ കേരളം ചുട്ടുപൊള്ളുന്നു ; കണ്ണൂര്‍, കോഴിക്കോട്, കോട്ടയം, ആലപ്പുഴ ജില്ലകളില്‍ മറ്റു ജില്ലകളെക്കാള്‍ ചൂട് കൂടും , സംസ്ഥാനത്ത് ഇന്നു പകല്‍ 3-4 ഡിഗ്രി സെല്‍ഷ്യസ് വരെ താപനില ഉയരാനുള്ള സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം
തിരുവനന്തപുരം : ചുട്ടുപൊള്ളി കേരളം, ഇന്ന് പകല്‍ താപനില 3-4 ഡിഗ്രി വരെ ഉയർന്നേക്കും. കണ്ണൂർ, കോഴിക്കോട്, കോട്ടയം, ആലപ്പുഴ ജില്ലകളില്‍ മറ്റു ജില്ലകളെക്കാള്‍ ചൂട് ഉയർന്നേക്കും. കണ്ണൂർ, കോട്ടയം, കോഴിക്കോട് ജില്ലകളില്‍ 37 ഡിഗ്രി സെല്‍ഷ്യസും ആലപ്പുഴയില്‍ 36 ഡിഗ്രി സെല്‍ഷ്യസും താപനില രേഖപ്പെടുത്തിയേക്കും.
ഇന്നലെ സംസ്ഥാനത്ത് ഏറ്റവും കൂടുതല്‍ താപനില രേഖപ്പെടുത്തിയത് പത്തനംതിട്ട ജില്ലയിലാണ്. ഓട്ടമാറ്റിക് വെതർ സ്റ്റേഷനുകളിലെ കണക്കു പ്രകാരം ഇന്നലത്തെ ശരാശരി താപനില: പത്തനംതിട്ട: 38.7, മലപ്പുറം: 37.8, കണ്ണൂർ: 37.6, പാലക്കാട്: 37.6, എറണാകുളം: 37.4, തൃശൂർ: 37.1 ഈ മാസം സംസ്ഥാനത്ത് മഴ പ്രതീക്ഷ വേണ്ടെന്നു കാലാവസ്ഥാ വിദഗ്ദ്ധർ പറഞ്ഞു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
