കോവിഡ് വളന്‍റിയറായി പ്രവർത്തിച്ച പരിചയം ; ആരോഗ്യവകുപ്പിൽ ജോലി നൽകാം ; ഹെൽത്ത് ഇൻസ്പെക്ടർ ചമഞ്ഞ് ജോലി വാഗ്ദാനം ചെയ്തു : യുവതിയിൽനിന്ന് നാലുലക്ഷം തട്ടിയ ആലപ്പുഴ സ്വദേശി അറസ്റ്റിൽ
ആലപ്പുഴ: ആരോഗ്യവകുപ്പിൽ ജോലി നൽകാമെന്നുപറഞ്ഞ് ഹെൽത്ത് ഇൻസ്പെക്ടർ ചമഞ്ഞ് യുവതിയിൽ നിന്ന് നാലുലക്ഷം തട്ടിയ കേസിലെ പ്രതി അറസ്റ്റിൽ. ആലപ്പുഴ എടത്വ മരിയാപുരം പാറേചിറ വീട്ടിൽ സുമേഷിനെയാണ് (39) സൗത്ത് പൊലീസ് അറസ്റ്റ് ചെയ്തത്. ആലപ്പുഴ ഡി.എം.ഒ ഓഫിസിലെ സീനിയർ ക്ലർക്കാണെന്ന് തെറ്റിദ്ധരിപ്പിച്ചാണ് പ്രതി തട്ടിപ്പ് നടത്തിയത്.
നാട്ടിൽ ഹെൽത്ത് ഇൻസ്പെക്ടറായാണ് അറിയപ്പെട്ടിരുന്നത്. കോവിഡ് രൂക്ഷമായ സമയത്ത് വണ്ടാനം മെഡിക്കൽ കോളജിൽ കോവിഡ് വളന്‍റിയറായി പ്രവർത്തിച്ച പരിചയമാണ് തട്ടിപ്പിന് തുണയായത്. പ്രതിയ്‌ക്കെതിരെ വിവിധ ജില്ലകളിൽ സമാന സ്വഭാവമുള്ള കേസുകൾ നിലവിലുണ്ട്. കൂടുതൽ പേർ തട്ടിപ്പിനിരയായിട്ടുണ്ടോയെന്ന് അന്വേഷിക്കുന്നുണ്ട്.
സൗത്ത് സി.ഐ എസ്. അരുൺ, എസ്.ഐമാരായ വി.ഡി. രജിരാജ്, ആർ. മോഹൻകുമാർ, ടി.സി. ബൈജു, സുധീർ, എസ്.സി.പി.ഒമാരായ ഉല്ലാസ്, പി. വിനു, വിപിൻദാസ്, അംബീഷ് എന്നിവരടങ്ങിയ സംഘമാണ് അന്വേഷണം നടത്തിയത്. കോടതിയിൽ ഹാജരാക്കിയ പ്രതിയെ റിമാൻഡ്ചെയ്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
Whatsapp Group 1 | Whatsapp Group 2 |Telegram Group
