ചിക്കൻപോക്‌സിന്റെ പുതിയ വകഭേദം ഇന്ത്യയിൽ കണ്ടെത്തി, ലക്ഷണങ്ങൾ എന്തൊക്കെ?

ചിക്കൻപോക്‌സിന്റെ പുതിയ വകഭേദമായ ക്ലേഡ് 9 ഇന്ത്യയിൽ കണ്ടെത്തി. നാഷണൽ ഇൻസ്റ്റിറ്റ്യൂട്ട് ഓഫ് വൈറോളജി (എൻഐവി)യാണ് കണ്ടെത്തിയതെന്ന് റിപ്പോർട്ടിൽ പറയുന്നു. ക്ലേഡ് 1, ക്ലേഡ് 5 എന്നീ വൈറസുകൾ ഇന്ത്യയിൽ ഉണ്ടായിരുന്നു. അതേസമയം ക്ലേഡ് 9 അടുത്തിടെയാണ് കണ്ടെത്തിയത്.

പഠനത്തിന്റെ ഫലങ്ങൾ സെപ്റ്റംബർ 6ന് ആനൽസ് ഓഫ് മെഡിസിനിൽ പ്രസിദ്ധീകരിച്ചു. ഇന്ത്യയിൽ ആദ്യമായാണ് ക്ലേഡ് 9 കണ്ടെത്തുന്നതെന്ന് പഠനം വ്യക്തമാക്കുന്നു. ‘വരിസെല്ല സോസ്റ്റർ വൈറസ്’ (VZV) ഒരു ഹെർപ്പസ് വൈറസ് ആണെന്ന് ലോകാരോ​ഗ്യ സംഘടന പറയുന്നു. ഈ വൈറസ് എയറോസോളുകൾ, തുള്ളികൾ, അല്ലെങ്കിൽ ശ്വാസകോശ സ്രവങ്ങളുമായുള്ള നേരിട്ടുള്ള സമ്പർക്കം എന്നിവയിലൂടെ പടരുന്നു.

മുതിർന്നവരിൽ VZV കൂടുതൽ ഗുരുതരമായ രോഗങ്ങൾക്ക് കാരണമാകുമെങ്കിലും ഇത് ചെറുപ്പക്കാരിലാണ് കൂടുതലായി രോ​ഗം കാണുന്നത്. നവജാതശിശുക്കൾക്കും രോഗപ്രതിരോധ ശേഷി കുറവുള്ളവരിലും ഇത് കൂടുതൽ ​ഗുരുതരമാകാമെന്നും റിപ്പോർട്ടിൽ പറയുന്നു. തടിപ്പ്, ചുണങ്ങു, പനി, വിശപ്പില്ലായ്മ, തലവേദന, ക്ഷീണം, മൊത്തത്തിലുള്ള ആരോ​ഗ്യക്കുറവ് എന്നിവയാണ് ചിക്കൻ-പോക്‌സ് ക്ലേഡ് 9 ന്റെ ലക്ഷണങ്ങൾ.

ചിക്കൻപോക്സ് രോ​ഗികൾക്ക് വൈറസ് ബാധിച്ച് 2-3 ആഴ്ചകൾക്ക് ശേഷമാണ് ശരീരത്തിൽ തടിപ്പ് കാണപ്പെടുത്തത്. തുടർന്നുള്ള ദിവസങ്ങളിൽ രോഗിക്ക് പനി, ശരീരവേദന, തലവേദന തുടങ്ങിയ ലക്ഷണങ്ങൾ അനുഭവപ്പെടാം. രണ്ടാഴ്ചയോളം ഇത് നീണ്ടുനിന്നേക്കാം. ചുണങ്ങു പലപ്പോഴും മുഖക്കുരു ആയി പ്രത്യക്ഷപ്പെടുകയും വൈറസ് സമ്പർക്കം കഴിഞ്ഞ് 2-3 ആഴ്ചകൾക്ക് ശേഷം പ്രത്യക്ഷപ്പെടുകയും ചെയ്യുന്നു.

ക്ലേഡ് 9 ഉം അതിന്റെ മുമ്പത്തെ വകഭേദങ്ങളായ ക്ലേഡ് 1 ഉം ക്ലേഡ് 5 ഉം തമ്മിലുള്ള അണുബാധയുടെ തീവ്രതയിൽ ഒരു വ്യത്യാസവും സ്പെഷ്യലിസ്റ്റുകൾ ഇതുവരെ കണ്ടെത്തിയിട്ടില്ല. പ്രതിരോധ കുത്തിവയ്പ്പാണ് വെെറസ് പിടിപെടുന്നത് തടയുന്നതിനുള്ള ഏറ്റവും പ്രധാനപ്പെട്ട പ്രതിരോധ മാർ​ഗം എന്ന് പറയുന്നത്. കൈകൾ ഇടയ്ക്കിടെ കഴുകാനും നല്ല ശുചിത്വം പാലിക്കാനും വിദ​ഗ്ധർ നിർദ്ദേശിക്കുന്നു.

വാക്സിനേഷൻ എടുക്കുക എന്നതാണ് ചിക്കൻപോക്സ് തടയുന്നതിനുള്ള ഏറ്റവും ഫലപ്രദമായ മാർഗ്ഗം. ശുചിത്വം പാലിക്കുന്നതും വളരെ പ്രധാനമാണ്. സോപ്പും വെള്ളവും ഉപയോഗിച്ച് ദിവസവും കൈകൾ വൃത്തിയായി കഴുകുക

ഈ ശീലം പുരുഷന്മാരിൽ ബീജത്തിന്റെ ആരോ​ഗ്യത്തെ ബാധിക്കാമെന്ന് ആരോ​ഗ്യ വിദ​ഗ്ധർ

Last Updated Sep 16, 2023, 5:23 PM IST

…