ബെയ്‌ജിങ്: വൺപ്ലസ് കമ്പനി വൺപ്ലസ് 15 സ്‌മാര്‍ട്ട്‌ഫോണിന്‍റെ നിര്‍മ്മാണ പ്രവര്‍ത്തനങ്ങള്‍ ആരംഭിച്ചതായി റിപ്പോര്‍ട്ട്. ഈ വർഷം ഒക്ടോബറിൽ വിപണിയിൽ അവതരിപ്പിക്കുന്ന വൺപ്ലസിന്‍റെ അടുത്ത ഫ്ലാഗ്ഷിപ്പ് സ്‍മാർട്ട്‌ഫോണായിരിക്കും ഇതെന്നാണ് റിപ്പോർട്ടുകൾ. ഈ ഫോണിനെക്കുറിച്ചുള്ള ചില പുതിയ ലൂക്കുകൾ ഇപ്പോൾ വന്നു തുടങ്ങി. ഫോണിൽ 200 എംപി പെരിസ്‌കോപ്പ് ക്യാമറ ഉണ്ടാകുമെന്ന് അടുത്തിടെ വാർത്തകൾ വന്നു. ഫോണിന്‍റെ ക്യാമറ സജ്ജീകരണം ഇതുവരെ അന്തിമമാക്കിയിട്ടില്ലെന്ന് ഇപ്പോൾ ഒരു പുതിയ റിപ്പോർട്ട് വെളിപ്പെടുത്തി. വൺപ്ലസ് 15-ന്‍റെ ക്യാമറ സജ്ജീകരണം എങ്ങനെയായിരിക്കുമെന്ന് നമുക്ക് നോക്കാം.
വൺപ്ലസ് 15 ഫ്ലാഗ്ഷിപ്പ് സ്മാർട്ട്‌ഫോണിനെക്കുറിച്ചുള്ള ഏറ്റവും പുതിയ അപ്‌ഡേറ്റ് പറയുന്നത് ഈ ഫോണിൽ മികച്ച ക്യാമറ സജ്ജീകരണം നൽകാൻ കമ്പനിക്ക് കഴിയും എന്നാണ്. ഇപ്പോൾ ടിപ്സ്റ്റർ ഡിജിറ്റൽ ചാറ്റ് സ്റ്റേഷൻ ഫോണിന്‍റെ ക്യാമറ സജ്ജീകരണത്തെക്കുറിച്ച് ഒരു പുതിയ വെളിപ്പെടുത്തൽ നടത്തി. വൺപ്ലസിന്‍റെ വരാനിരിക്കുന്ന ഉപകരണമായ എസ്എം8850-ന്‍റെ ക്യാമറ സജ്ജീകരണം ഇപ്പോഴും പരീക്ഷണത്തിലാണ് എന്ന് ടിപ്സ്റ്റർ പറയുന്നു. എന്നാൽ ഗിസ്‌മോചൈനയുടെ റിപ്പോർട്ട് പറയുന്നത് വൺപ്ലസ് 15-നെക്കുറിച്ചായിരിക്കാം ടിപ്സ്റ്റർ പരാമർശിക്കുന്നത് എന്നാണ്. അതിൽ സ്‌നാപ്ഡ്രാഗൺ 8 എലൈറ്റ് 2 ചിപ്‌സെറ്റ് ഉണ്ടാകുമെന്ന് പ്രതീക്ഷിക്കുന്നു.
വൺപ്ലസ് 50 + 50 + 50 എംപി ട്രിപ്പിൾ ക്യാമറ കോൺഫിഗറേഷനിൽ ഇപ്പോള്‍ പ്രവർത്തിക്കുന്നു. ഇതിലൊരു പ്രധാന ക്യാമറ, ഒരു അൾട്രാവൈഡ്, 3എക്സ് ഒപ്റ്റിക്കൽ സൂമോടുകൂടിയ ഒരു ടെലിഫോട്ടോ സെൻസർ എന്നിവ നൽകിയിട്ടുണ്ട്. പ്രധാന ക്യാമറയ്ക്കായി രണ്ട് പതിപ്പുകളും പ്രഖ്യാപിച്ചിട്ടുണ്ട്. അവയിലൊന്ന് സ്റ്റാൻഡേർഡ് സെൻസറും മറ്റൊന്ന് അൾട്രാ സെൻസറും ആയിരിക്കും. ടെലിഫോട്ടോയ്‌ക്കായി ചെറുതും ഇടത്തരവുമായ പെരിസ്‌കോപ്പ് സെൻസറുകൾ പരീക്ഷിച്ചു കൊണ്ടിരിക്കുന്നതായി റിപ്പോർട്ടുകൾ ഉണ്ട്. ഉചിതമായ സംയോജനം കണ്ടെത്തുന്നതിനായി ഈ എല്ലാ സജ്ജീകരണങ്ങളും നിലവിൽ എ/ബി പരിശോധനയ്ക്ക് വിധേയമാണ്.
1.5കെ റെസല്യൂഷനുള്ള ഒരു ഫ്ലാറ്റ് ഡിസ്പ്ലേ ഉപയോഗിച്ച് വൺ പ്ലസ് 15 പരീക്ഷിച്ചു കൊണ്ടിരിക്കുകയാണെന്നും റിപ്പോർട്ടുകൾ ഉണ്ട്. അങ്ങനെ സംഭവിച്ചാൽ ഇതൊരു പ്രധാന മാറ്റമായിരിക്കും. കാരണം വൺപ്ലസ് 7 പ്രോയുടെ കാലം മുതൽ കമ്പനി ഫോണിൽ 2കെ കർവ്ഡ് എഡ്‍ജ് ഡിസ്പ്ലേ നൽകിവരുന്നു. ഡിസ്പ്ലേ ഡിസൈനിലെ മാറ്റത്തിന് പുറമെ, വൺപ്ലസ് 15ന് പുതിയൊരു പിൻ ഡിസൈൻ കൂടി ലഭിക്കുമെന്ന് പ്രതീക്ഷിക്കുന്നു. സ്മാർട്ട്‌ഫോണിന്‍റെ മൊത്തത്തിലുള്ള രൂപം ഒരു ഐഫോണിന് സമാനമായിരിക്കാം. ബാറ്ററിയെക്കുറിച്ചുള്ള വിശദാംശങ്ങൾ ഇതുവരെ പുറത്തുവന്നിട്ടില്ലെങ്കിലും, 100 വാട്സ് വേഗതയുള്ള ചാർജിംഗുള്ള 6,500 എംഎഎച്ച്+ ബാറ്ററിയാണ് ഇതിലുള്ളത് എന്ന് തോന്നുന്നു. മുൻഗാമിയെപ്പോലെ 50 വാട്സ് വയർലെസ് ചാർജിംഗും ഫോണിൽ പിന്തുണയ്ക്കാൻ സാധ്യതയുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
