വളവിൽ ബൈക്ക് മറിഞ്ഞു, എതിരെ വന്ന ബസിനടിയിലേക്കു തെറിച്ചുവീണു; യുവാവിന് ദാരുണാന്ത്യം – വിഡിയോ

വണ്ടൂർ∙ തിരുവാലി അങ്ങാടിക്കു സമീപം വളവിൽ ബൈക്ക് മറിഞ്ഞ് ബസിനടിയിലേക്കു വീണ യുവാവ്  മരിച്ചു. വട്ടപ്പറമ്പ് മാന്തൊടി കൃഷ്ണന്റെ മകൻ ജിഷ്ണു(30)വാണ് മരിച്ചത്.

ഇന്നു രാവിലെ 9.15 നായിരുന്നു അപകടം.
അലുമിനിയം ഫാബ്രിക്കേഷൻ ജോലിക്കാരനായ ജിഷ്ണു വീട്ടിൽനിന്നു പണിസ്ഥലത്തേക്കു പോകുമ്പോഴായിരുന്നു അപകടം. വണ്ടൂരിൽനിന്ന് മഞ്ചേരിയിലേക്കു പോവുകയായിരുന്ന സ്വകാര്യ ബസിനടിയിലേക്കാണു വീണത്. ബസ് ശരീരത്തിലൂടെ കയറിയിറങ്ങി.

തിരുവാലി അഗ്നി രക്ഷാസേനയും എടവണ്ണ പൊലീസും സ്ഥലത്തെത്തി. മൃതദേഹം മഞ്ചേരി മെഡിക്കൽ കോളജ് ആശുപത്രിയിലേക്കു മാറ്റി.

അമ്മ: സുജാത (ആശാവർക്കർ). സഹോദരങ്ങൾ: ജിനുഷ, ഷിനുജ.

… FacebookTwitterWhatsAppTelegram