തിരുവനന്തപുരം: കനകക്കുന്നിലെ ഓണക്കൂട്ടായ്മയിൽ ഇന്ന് കാളിദാസ കലാകേന്ദ്രത്തിന്റെ നാടകവും പിന്നെ ഡിജെ സംഗീതവും അരങ്ങിലെത്തും. ഏഷ്യാനെറ്റ് ന്യൂസും മൈത്രി അഡ്വര്‍ടൈസിംഗും സംയുക്തമായി നടത്തുന്ന ഓണക്കൂട്ടായ്മയാണ് 2024 സെപ്തംബര്‍ 13 മുതല്‍ 22 വരെ തിരുവനന്തപുരം കനകക്കുന്ന് വച്ച് നടക്കുന്നത്. ഓണാഘോഷങ്ങളുടെ ഭാഗമായി പത്ത് ദിവസത്തോളം നീളുന്ന വിപുലമായ പരിപാടികളാണ് കനകക്കുന്നിൽ പുരോഗമിക്കുന്നത്.
17ന് റാസ ബീഗത്തിന്റെ ഗസൽ പരിപാടി ഇവിടെ നടക്കും. 18ന് ഏഷ്യാനെറ്റ് സ്റ്റാർ സിംഗറിലെ ഗായകരുടെ സംഗീതപരിപാടി, 19ന് സ്റ്റീഫൻ ദേവസിയും മുരളി കൃഷ്ണനും ഒന്നിച്ചുള്ള സംഗീത നിശ, 20ന് ഗൌരി ലക്ഷ്മിയുടെ സംഗീത പരിപാടി, 21ന് ഷഹബാസ് അമന്റെ ഗസലും അരകവ്യൂഹം ബാൻഡിന്റെ സംഗീത പരിപാടി, 22ന് രാജേഷ് വിജയ് ബാൻഡിന്റെ സംഗീത പരിപാടി എന്നിവയാണ് ഓണക്കൂട്ടായ്മയുടെ ഹൈലൈറ്റ്.
ഇതിന് പുറമേ തിരുവാതിര, തോൽപാവക്കൂത്ത്, നാടൻ പാട്ട്, ശിങ്കാരിമേളം, പടയണി, വഞ്ചിപ്പാട്ട്, കളരിപ്പയറ്റ്, പൂപ്പട തുള്ളൽ, ചാക്യാർകൂത്ത്, വില്ലുപാട്ട്, കാക്കാരിശി നാടകം, ഓട്ടൻ തുള്ളൽ, നാടോടി നൃത്തം, കുമ്മാട്ടിക്കളി എന്നിവയും കനകക്കുന്നിൽ നടക്കുന്നുണ്ട്. ഓണാക്കൂട്ടായ്മയുടെ ഭാഗമായി അമ്യുസ്മെൻറ് പാര്‍ക്ക്, ഗെയിം സോണ്‍, പെറ്റ്‌സ് പാര്‍ക്ക്, സ്റ്റേജ് ഷോസ്, ട്രേഡ് ഫെയര്‍, ഫുഡ് ഫെസ്റ്റ് തുടങ്ങിയവയും കനകക്കുന്നിൽ ഒരുങ്ങിയിട്ടുണ്ട്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
