ദില്ലി: എന്‍ട്രി-ലെവല്‍ വിഭാഗത്തിലുള്ള സ്‌മാര്‍ട്ട്‌ഫോണായ സി71 5ജി ഇന്ത്യയില്‍ റിയല്‍മി അവതരിപ്പിച്ചു. 6,300 എംഎഎച്ച് ബാറ്ററി, യുണിസോക് ടി7250 ചിപ്‌സെറ്റ്, മിലിറ്ററി-ഗ്രേഡ് ഡൂറബിളിറ്റി എന്നിവ സഹിതം രണ്ട് റാം + സ്റ്റോറേജ്, വേരിയന്‍റുകളിലാണ് Realme C71 5G ഹാന്‍ഡ്‌സെറ്റ് ഇന്ത്യയില്‍ കമ്പനി പുറത്തിറക്കിയിരിക്കുന്നത്.
റിയല്‍മി സി71 5ജി സവിശേഷതകള്‍ റിയല്‍മി സി71 സ്മാര്ട്ട്ഫോണ് 90 ഹെര്‍ട്‌സ് 5ജി 6.74 ഇഞ്ച് എച്ച്‌ഡി+ ഡിസ്‌പ്ലെ സഹിതമാണ് ഇന്ത്യയിലെത്തിയത്. octa-core 12nm Unisoc T7250 SoC ചിപ്‌സെറ്റില്‍ വരുന്ന ഫോണ്‍ 6 ജിബി വരെ റാമും 128 ജിബി വരെ സ്റ്റോറേജും വാഗ്‌ദാനം ചെയ്യുന്നു.
ആന്‍ഡ്രോയ്ഡ് 15 അടിസ്ഥാനത്തിലുള്ള ഫോണില്‍ റിയല്‍മി യുഐ 6 ആണ് പ്ലാറ്റ്‌ഫോം. 13 മെഗാപിക്സല്‍ വരുന്ന ഒമ്നിവിഷന്‍ ഒവി13ബി സെന്‍സര്‍ പിന്‍ഭാഗത്ത് വരുന്നു.
സെല്‍ഫിക്കും വീഡിയോ കോളിംഗിനുമായി 5 എംപിയുടേതാണ് ക്യാമറ. എച്ച്‌ഡി വീഡിയോ റെക്കോര്‍ഡിംഗും എഐ ഇറേസര്‍, എഐ ക്ലിയര്‍ ഫേസ്, പ്രോ മോഡ്, ഡുവല്‍-വ്യൂ വീഡിയോ തുടങ്ങിയ ഫീച്ചറുകളും റിയല്‍മി സി71 5ജി ഹാന്‍ഡ്‌സെറ്റില്‍ ലഭ്യമാണ്.
6,300 എംഎഎച്ച് വരുന്ന ബാറ്ററിക്കൊപ്പം 15 വാട്സ് വയേര്‍ഡ് ഫാസ്റ്റ് ചാര്‍ജറും 6 വാട്സ് വയേര്‍ഡ് റിവേഴ്സ് ചാര്‍ജിംഗും ലഭ്യമാണ്. 5ജിക്ക് പുറമെ 4ജി, വൈ-ഫൈ, ബ്ലൂടൂത്ത് 5.2, ജിപിഎസ്, യുഎസ്‌ബി ടൈപ്പ്-സി എന്നീ കണക്റ്റിവിറ്റി സൗകര്യങ്ങളും ഫിംഗര്‍പ്രിന്‍റ് സെന്‍സറും ഫോണില്‍ ഉള്‍പ്പെടുന്നു.
മിലിട്ടറി-ഗ്രേഡ് MIL-STD-810H shock-resistant സുരക്ഷയും, ഐപി54 റേറ്റിംഗുമാണ് റിയല്‍മി സി71 5ജി-ക്ക് ലഭിച്ചിരിക്കുന്നത്. 201 ഗ്രാമാണ് ഫോണിന്‍റെ ഭാരം.
റിയല്‍മി സി71 5ജി സ്റ്റോറേജും വിലയും 4 ജിബി റാം + 64 ജിബി സ്റ്റോറേജ്- 7,699 രൂപ 6 ജിബി റാം + 128 ജിബി സ്റ്റോറേജ്- 8,699 രൂപ റിയല്‍മി സി71 5ജി എവിടെ നിന്ന് വാങ്ങാം? റിയല്‍മി സി71 5ജി സ്മാര്ട്ട്ഫോണ് റിയല്‍മി ഇന്ത്യയുടെ ഔദ്യോഗിക വെബ്‌സൈറ്റും ഇ-കൊമേഴ്സ് പ്ലാറ്റ്‌ഫോമുകളായ ഫ്ലിപ്‌കാര്‍ട്ടും തെരഞ്ഞെടുക്കപ്പെട്ട ഓഫ്‌ലൈന്‍ റീടെയ്‌ല്‍ സ്റ്റോറുകളും വഴി വാങ്ങിക്കാം.
രണ്ട് കളര്‍ ഓപ്ഷനുകളിലാണ് ഫോണ്‍ ലഭ്യമാവുക. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
