സ്കൂട്ടറിനു പിന്നിൽ ലോറിയിടിച്ച് വീട്ടമ്മ മരിച്ചു ; മകനൊപ്പം ബൈക്കിൽ പോകുമ്പോഴാണ് അപകടം
സ്വന്തം ലേഖകൻ
പത്തനംതിട്ട: സ്കൂട്ടറിനു പിന്നിൽ ലോറിയിടിച്ച് വീട്ടമ്മ മരിച്ചു. പന്തളം മുടയൂർക്കോണം തുണ്ടത്തിൽ ബഥേൽ ഭവനിൽ ടി.എം. ശാമുവലിന്റെ ഭാര്യ വത്സമ്മ(61) ആണ് മരിച്ചത്. മകനൊപ്പം ബൈക്കിൽ പോകുമ്പോഴാണ് അപകടമുണ്ടായത്.
പന്തളം-മാവേലിക്കര റോഡിൽ മുട്ടാർ കവലയ്ക്കുസമീപം ഇന്ന് ഉച്ചയ്ക്ക് 1.45 ഓടെയാണ് അപകടം നടന്നത്. മകൻ സാജനോടൊപ്പം പന്തളത്തേക്ക് സ്‌കൂട്ടറിൽ വരികയായിരുന്നു വത്സമ്മ. അതിനിടെ പന്തളം ഭാഗത്തേക്ക് വരികയായിരുന്ന ലോറി സ്‌കൂട്ടറിന്റെ പിന്നിൽ ഇടിക്കുകയായിരുന്നു.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
ഇടിയുടെ ആഘാതത്തിൽ സ്‌കൂട്ടറിന്റെ പിന്നിലിരുന്ന വത്സമ്മ ലോറിക്ക് അടിയിൽ അകപ്പെട്ടു. ഉടനെ ആശുപത്രിയിൽ എത്തിച്ചെങ്കിലും മരിച്ചു. സ്‌കൂട്ടർ ഓടിച്ച മകൻ പരിക്കേൽക്കാതെ രക്ഷപ്പെട്ടു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
