മൂന്നാം തവണയും വധശ്രമം? ട്രംപിന്റെ റാലി നടക്കുന്നതിനടുത്ത് ആയുധധാരി പിടിയിൽ

.news-body p a {width: auto;float: none;}

കാലിഫോർണിയ: അമേരിക്കൻ പ്രസിഡന്റ് തിരഞ്ഞെടുപ്പിൽ സ്ഥാനാർത്ഥിത്വം പ്രഖ്യാപിച്ച് പ്രചാരണം ആരംഭിച്ചതിന് പിന്നാലെ മുൻ പ്രസിഡന്റ് ഡൊണാൾഡ് ട്രംപിന് നേരെ വധശ്രമങ്ങളുണ്ടായിരുന്നു. ഒരുതവണ പ്രസംഗിക്കുകയായിരുന്ന ട്രംപിന്റെ ചെവിയിൽ തട്ടി വെടിയുണ്ട കടന്നുപോയെങ്കിൽ രണ്ടാം തവണ ഗോൾഫ് ക്ളബിന് സമീപത്തുനിന്നും ഒരാളെ പിടികൂടുകയായിരുന്നു. ഇപ്പോഴിതാ മൂന്നാമതും ആയുധങ്ങളുമായി ഒരാളെ പിടികൂടിയിരിക്കുകയാണ്.

തോക്കുകളും റാലിയിൽ പങ്കെടുക്കാനുള്ള വ്യാജ പാസും കൈയിൽവച്ച വെം മില്ലെർ (49) എന്നയാളാണ് പിടിയിലായത്. ലാസ് വെഗാസ് സ്വദേശിയായ ഇയാൾ ട്രംപിന്റെ റാലി നടക്കേണ്ട കാലിഫോർണിയയിലെ കോച്ചെല്ല വാലിയിൽ നിന്നാണ് അറസ്റ്റിലായത്. ശനിയാഴ്‌ച റാലി തുടങ്ങുന്നതിന് നിമിഷങ്ങൾ മുൻപാണ് മില്ലെർ അറസ്റ്റ് ചെയ്യപ്പെട്ടത്. ഇയാളിൽ നിന്നും ഒരു ഷോട്ട് ‌ഗൺ, ഒരു കൈത്തോക്ക്, നിറയെ തിരകൾ എന്നിവ പിടിച്ചെടുത്തു. നമ്മൾ മറ്റൊരു വധശ്രമം തടയുകയാണ് ചെയ്‌തത്. റിവർസൈഡ് കൺട്രി ഷെരിഫ് ചാഡ് ബിയാൻകൊ വ്യക്തമാക്കി.